ایران ییتکیرمه‌لری سونگی ایکی آی ده اوشبو مملکت دن افغانستان‌لیک قاچقین‌لر نینگ چیقریش جریانی کوپه‌یشیدن خبر بیرگنلر. اوشبو ییتکیرمه‌لر ایران رسمی‌لریدن نقل قیلیب ایتیشلریچه، سونگی بیش کون ایچیده بو مملکت دن افغانستان‌لیک ۱۶ مینگ قاچقین چیقریلگن.
ایران ده‌گی افغانستان‌لیک قاچقین‌لردن بیرقطاری، سلام‌وطندار بیلن اوتکزگن صحبت‌لریده ایران دولتی تامانیدن قاچقین‌لر اوستیگه باسیم کیلتیریلیشیدن نالیب ایتیشلریچه، مذکور مملکت نینگ کوپ سانده شهرلری اینیقسه بو مملکت شمالی شهرلریده، افغانستان‌لیک قاچقین‌لر گه ایشلش و یشش ایزینی بیریلمه‌یدی.
ایران ده افغانستان‌لیک قاچقین‌لردن نوروز رحمانی گه کوره، سونگی کون‌لرده شهرلرده قاچقین‌لر ایرکین شکلده یوره آلمه‌یدیلر.
بیزلرنینگ فیسبوک صحیفه‌میزگه باش اورینگ!
او نینگ کوپه‌یتیریشیچه: «افغانستان‌لیک قاچقین‌لر قیین احوال ده تیریکچیلیک قیلماقده، ایشلش ایزینی بیریلمه‌یدی، اولر روحی قیینچیلیک بیلن روپه‌ره بولگنلر. مثال صورتده، افغانستان‌لیک قاچقین‌لر دارو سوره‌ب داروخانه گه بارگن حالده دارو بیرمه‌یدیلر و اوی اجاره گه بیریشمه‌یدی. کوپ سانده قاچقین قولگه آلینماقده اینیقسه بو مملکت شمالی منطقه‌لریده.»
شونینگدیک، ایران ده ناقانونی شکلده تیریکچیلیک قیلیب کیله‌یاتگن افغانستان‌لیک قاچقین‌لردن متین سروری و امید پویا، قاچقین‌لر نینگ قولگه آلینیش جریانی آشگنیدن نالیدیلر.
متین سروری گه کوره: «مالی قیینچیلیک کوپ دیر، ایش بیرمه‌یدیلر و کوپ بیزاوته قیلیشه‌دی، حتا قطار نانوایی‌لر نان بیرمه‌یدی، کوپراق قانونی یاشنی تولدیرمه‌گنلر گه ایش بیرمه‌یدیلر.»
قاچقین‌لردن امید پویا نینگ ایتیشیچه: «ایران ده مینگلب قیینچیلیک بیلن حیات کیچیرماقده‌میز، روحی قیینچیلیک کوپ دیر، قاچقین‌لر قولگه آلینماقده شونده‌ی بولسه هم بو ییرده قالیب ایشلش گه مجبورمیز.»
بیراق، اسلام امیرلیگی ایران دولتی دن افغانستان‌لیک قاچقین‌لر اوستیگه باسیم کیلتیریب و بیزاوته قیلمه‌ی اولرنی اوشبو مملکت دن جبردن چیقرمسلیگینی سوره‌یدی.
بیزلرنینگ «ایکس» ترماغی ده هم تعقیب قیلینگ!
اسلام امیرلیگی سوزلاوچیسی ذبیح‌الله مجاهد نینگ سلام‌وطندار گه ایتیشیچه: «ایران ده افغانستان‌لیک قاچقین‌لر ایریم چیکلاولر بیلن روپه‌لیگیدن آگاه بولدیک، قاچقین‌لر اوستیگه باسیم کیلتیرمه‌ی و جبردن چیقریلمسلیک‌لرینی ایسته‌یمیز، ایران ییل‌لردن بیری افغانستان‌لیک قاچقین‌لردن میزبان‌لیک قیلیب کیلگن، ایران بیلن افغانستان‌لیک‌لر نینگ مناسبتی بوزیلمسلیگی اوچون بو پروسه دوام تاپیشی کیره‌ک.»
ایتیش کیره‌ک، یک‌شنبه کونی، ۱۲-قوس، ایران کرمانشاه ولایتی تشقی قاچقین‌لر ایشلری بوییچه مدیری گه کوره، ایران ملی خوفسیزلیک عالی کینگشی، بو مملکت نینگ کرمانشاه ولایتی شامل باشقه ۱۶ ولایتیده افغانستان‌لیک قاچقین‌لر گه یشش، ایشلش ایزینی بیریلمسلیک بویروغینی بیرگن. ینگی‌لیکده، ایران خراسان رضوی چیگره قوماندانی ییتکیرمه‌لر بیلن اوتکزگن صحبتیده، سونگی بیش کون ایچیده بو مملکت دن افغانستان‌لیک ۱۶ مینگ قاچقین چیقریلگنینی ایتگن.
اسلام امیرلیگی قاچقین‌لر وزیرلیگی نینگ معلوماتی اساسیده، سونگی بیر آی ایچیده ایران دن ۱۳۴ مینگ قاچقین افغانستان گه قیتگن.
