اسلام امیرلیگی سوزلاوچیسی ذبیح‌الله مجاهد نینگ ایتیشیچه، پاکستان نینگ افغانستان ایشلری بوییچه مخصوص نماینده‌سی آصف درانی کابل گه قیلگن سفری دایره‌سیده، ایریم مسئله‌لر جمله دن سوداگرلیک، مهاجرلر و خوفسیزلیک مسئله‌لرنی بحث گه آلیب و بوتوغریده تامان‌لر کیلیشگنلر.
مجاهد، بوگون (سه‌شنبه، ۳ اسد)، سلام‌وطندار بیلن اوتکزگن صحبتیده ایتیشیچه: «پاکستان نماینده‌سی بیلن سوداگرلیک، مهاجرلر، دیورند چیزیغیده‌گی بعضی قیینچیلیک‌لر، امنیتی واقعه‌لر و شونینگدیک باشقه مسئله‌لر باره‌سیده، اسلام امیرلیگی اوز موقفینی بیلدیریب و بوتوغریده کیلیشدیلر.»
بیزلرنینگ فیسبوک صحیفه‌میزگه باش اورینگ!
پاکستان نینگ افغانستان ایشلری بوییچه مخصوص نماینده‌سی آصف درانی، کابل گه قیلگن اوچ کون‌لیک سفری یکونیدن کیین، ینگی‌لیکده افغانستان ایشلری بوییچه بیرلشگن ملت‌لر تشکیلاتی نینگ هماهنگ قیلووچیسی فریدون سینیرلی‌اوغلو بیلن اوچره‌شیب، انسان حقلری، ترورچی گروه‌لر جمله دن «تی‌تی‌پی» تهدیدی و دنیا همجمعیت تامانیدن اسلام امیرلیگی تن آلینیشی باره‌سیده بحث ایتگن.
شو بیلن بیرگه، پاکستان تشقی ایشلر وزیری بلاول بوتو زرداری و امریکا تشقی ایشلر وزیری آنتونی بلینکن تیلیفونی ملاقات‌لریده، افغانستان وضعیتینی محاکمه قیلگنلر.
بیزلرنینگ توییترده هم تعقیب قیلینگ!
ذبیح‌الله مجاهد نینگ ایتیشیچه، دنیا خواطرلری گه چیک قوییش اوچون اسلام امیرلیگی بیلن دیپلماتیک مناسبت برقرار ایتیش‌لری کیره‌ک. او نینگ کوپه‌یتیریشیچه: «دنیا، خواطرلری گه چیک قوییش اوچون، دیپلماتیک مناسبت‌لرینی کوچه‌یتیریشی لازم.»
قریب اوتگن ایکی ییل ده، دنیا همجمعیت اینیقسه قوشنی ومنطقه مملکت‌لری نیچه مرته افغانستان ده عصیانچی گروه‌لر تهدیدلری دن خواطر بیلدیرگن‌لر؛ لیکن اسلام امیرلیگی بو خواطرلرنی هردایم رد ایتگن.
