امریکا و پاکستان تشقی ایشلر وزیرلری، دوشنبه کونی، ۲ اسد، تیلیفونی ملاقات‌لریده افغانستان وضعیتینی بحث گه آلگنلر.
امریکا تشقی ایشلر وزیرلیگی گه کوره، اوشبو مملکت تشقی ایشلر وزیری آنتونی بلینکن، پاکستان تشقی ایشلر وزیری بلاول بوتو زرداری بیلن، مذکور مملکت نینگ اقتصادی و افغانستان وضعیتی بارهسیده بحث ایتگنلر.
بیزلرنینگ فیسبوک صحیفه‌میزگه باش اورینگ!
امریکا تشقی ایشلر وزیرلیگی، تامان‌لر اوشبو تیلیفونی ملاقات‌لریده افغانستان وضعیتی بارهسیده قنده‌ی مسئله‌لرنی محاکمه قیلگن‌لیکلری حقیده ایضاح کیریتمه‌گن.
افغانستان ده اسلام امیرلیگی حاکمیتیدن کیین، پاکستان نیچه مرته قانلی خودکش هجوم گواهی بولگن. اسلام‌آباد اوشبو هجوم‌لر افغانستان توپراغیده ریجه‌لشتیریلگن‌لیگینی ادعا قیلسه ده، لیکن اسلام امیرلیگی بو ادعالرنی رد قیلگن.
مذکور ملاقات ده امریکا تشقی ایشلر وزیری، واشنگتن تروریزم گه قرشی کوره‌ش ده پاکستان بیلن همکارلیک‌لری گه دوام بیریشی اوستیده تأکید ایتگن.
بیزلرنینگ توییترده هم تعقیب قیلینگ!
راولپندی شهری ده بیر ییغیلیش تیوره‌گیده، امریکا مرکزی قوماندان‌لیگی (سنتکام) باشلیغی جنرال مایکل اریک کوریلا پاکستان ارتشی ستاد باشلیغی جنرال عاصم منیر بیلن منطقه خوفسیزلیگی بارهسیده ملاقات قیلیشیدن کیین، امریکا و پاکستان تشقی ایشلر وزیرلری تیلیفونی صحبت قیلگنلر.
