آسوشیتدپرس خبرگزارلیگی نینگ گزارش بیریشیچه، افغانستانده داعش گروهی نینگ خراسان شاخهسی نی فعالیتی کمهیگن، بیراق پاکستانده اوشبو گروه نینگ ترورچیلیک هجوملری کوپهیگن.
آسوشیتدپرس اوشبو گزارشده ننگرهار و پاکستان چیگرهلری حقیده ایتگن که، داعش گروهی نینگ خراسان شاخهسی عصیانچی گروهدن، ترورچیلیک بیر تشکیلات گه اوزگرگن.
گزارشدن نقل قیلینیشیچه، پاکستان شمالغربی داعش گروهی نینگ ترورچیلیک هجوملری کوپهیگنی توغریسیده نشانهلر کورینهدی. بو ییرده مذکور گروه شیعهلرنی هدف قرار بیرهدی. گزارشده کیلگن که اوشبو هجوملردن بیریده، ۶۰ نماز اوقووچی جان بیرگن.
بیزلرنینگ فیسبوک صحیفهمیزگه باش اورینگ!
پاکستان تینچلیک تدقیقات موسسه رئیسی امیر رنا نینگ ایتیشیچه، اوتگن بیر ییلده پاکستانده داعش نینگ ترورچیلیک هجوملری کوپهیگن. اونگه کوره، داعش گروهی مارچ آییده پاکستان ده ۵۲ هجوم اویوشتیرگن. شوندهی بیرحالده، اوتگن ییل ده بو رقم ۳۵ هجوم گه ییتیشهر ایدی. مذکور هجوملر عاقبتیده ۱۵۵کیشی جان بیرگن.
آسوشیتدپرس نینگ کوپهیتیریشیچه، بیراق افغانستانده داعش نینگ هجوملری کمهیگن دیر. اوشبو گروه ۲۰۱۹- ییلده ننگرهارنینگ قطار منطقهلرینی نظارت گه آلیب و شونینگدیک قوشنی ولایتلریده نفوذی نی کینگهیتیرگن ایدی.
تحلیلچیلردن قطاری نینگ ایشانچلری گه کوره، افغانستان شرقی قیشلاغلریده اسلامی امارت نینگ نفوذی و اولر نینگ مسجدلر و مذهبی مدرسهلر بیلن کینگ علاقهلری، داعش فعالیتلری اوچون فضا نی محدود قیلگن. شونینگدیک اسلامی امارت استخبارات رئیسی نینگ آسوشیتدپرس خبرگزارلیگی گه ایتیشیچه، افغانستان شرقیده داعش نینگ ریجهلنگن بیر شکلده حضوری یوق.
بیزلرنینگ توییترده هم تعقیب قیلینگ!
شوندهی بیرحالده، آمریکالیک یوقاری مرتبهلی حربی رسمیلردن قطاری نینگ ایتیشلریچه، اوتگن ییلده آمریکا نینگ افغانستاندن چیقیشی بیلن، واشنگن نینگ داعش حقیده معلومات توپلش قابلیتی کوپ کمهیگن.
شوندهی بیرحالده، آمریکا قوشمه ایالتلری نینگ مرکزی ارتش قومندانلیگی یا-ده سنتکام قومندانی فرانت کنت مککنزی، کیلهجک یاز موسومیده افغانستانده داعش گروهی نینگ فعالیتی کوپهیشی خصوصیده آگاهلنتیرگن.
او آمریکا سناسی نینگ قوراللی کوچلر کمیتهسیده، افغانستان سرپرست حکومتی اوشبو مملکتده داعش نی سرکوب قیلیش اوچون قیلگن سعی و حرکتلریده مغلوب بولیب و یاز موسومی گه یقینلش بیلن، داعش هجوملری نینگ کوپهیشی ممکن دیگن ایدی.