اسلامی امارت باش وزیری نینگ بیرینچی اورین باسری ملا عبدالغنی برادر نینگ مخصوص یاردمچیسی عبدالله اعزام نینگ ایتیشیچه، پاکستان یاردم بیرگن بوغدای‌نی استفاده قیلیش ممکن. او توییری‌ده یازیشیچه، اوشبو بوغدای‌لر ناپاک لیگیگه عاید افغانستان مرکزی سیلو باشلیغی تامانیدن شریک قیلینگن معلومات‌لر ناتوغری دیر.

مرکزی سیلو باشلیغی خالق‌محمد مایار، تخمیناً ایکی هفته آلدین مطبوعاتی بیر ییغینده ایتیشیچه، پاکستان نینگ افغانستان گه بیرگن یاردم بوغدایی «ناپاک و حشره ییگن» دیر و اوشبو بوغدای نینگ یالغیز پوستی قالگن. مرکزی سیلو باشلیغی، پاکستان نینگ یاردم بیرگن بوغدای‌دن استفاده قیلیش ممکن ایمس دیه تأکید ایتگن.

بیزلرنینگ فیسبوک صحیفه‌میزگه باش اورینگ!

مایار نینگ اورغولشیچه، هندوستان نینگ یاردم بوغدای پاکستان نینگ بوغدای گه نسبتن یخشی صفت گه ایگه دیر.

پاکستان بوغدای استفاده بولمس و ناپاک لیگیگه دایر مرکزی سیلو باشلیغی نینگ ویدیو صحبت‌لری اجتماعی ترماغ‌لرده هم ترقه‌لگن.

بیراق ملا عبدالغنی برادر نینگ مخصوص یاردمچپیسی مرکزی سیلو باشلیغی نینگ اوشبو ویدیوسینی ساخته دیب ایتیشیچه، مذکور ویدیوگه سیس قوشیلگن.

بیزلرنینگ توییترده هم تعقیب قیلینگ!

پاکستان انسان پرور یاردم‌لریدن ۱۸۰ تُن بوغدای‌نی جدی آی‌ده اسلامی امارت رسمی‌لری گه تورخم بندرگاهی‌ده تاپشیرگن ایدی. اوتگن هفته پاکستان نینگ ۳۶۰۰ تُن یاردم بوغدای افغانستان گه ییتیب کیلدی. پاکستان نینگ افغانستان اوچون مخصوص نماینده‌سی محمد صادق گه کوره، بو یاردم‌لر افغانستان رسمی‌لری گه تورخم بندرگاهی‌ده تاپشیریلگن.

مرتبط با این خبر:

شریک قیلینگ:
خبر اوقووچی
تیگیشلی خبرلر و تحلیل‌لر

سلام‌وطندار خبرلری و گزارش‌لری نینگ اجتماعی ترماق‌لردن تعقیب قیلینگ:

فیسبوک

توییتر

تلگرام