توقیزینچی سنبله/۳۱ آگست، امریکا قوشمه ایالتلرینینگ افغانستاندن سونگی عسکری چیقیب کیتگنینینگ بیش ییللیگی مناسبتی بیلن، اسلام امیرلیگی بو واقعه ینه بیر بار دنیا گه افغانستان «باسیب آلیب بولمهیدیگن» مملکت ایکنینی اثباتلهگنینی معلوم قیلدی.
اسلام امیرلیگی سوزلاوچیسینینگ اورین باسری حمدالله فطرت، بوگون امریکا قوشمه ایالتلری و ناتو حربی کوچلرینینگ افغانستاندن چیقیب کیتگنینینگ بیشینچی ییللیگی مناسبتی بیلن اوشبو فکرنی بیلدیرگن.
فطرتنینگ کوپهیتیریشیچه، ۳۱ آگست افغانستان اهالیسی اوچون «فخرلی کون» بولیب، مملکت مستقللیگی اوچون کورهش و قربانلیک بیریش، قیمتلی نتیجه گه ایگه ایکنینی کورستهدی.
اسلام امیرلیگی سوزلاوچیسینینگ اورین باسری شوندهی دیگن: «بوکون افغانستاننی باسیب آلیشگه اورینهیاتگن برچه دولتلر گه انیق پیام بیرهدی. یعنی، افغانستان باسیب آلیب بولمهیدیگن مملکت و امپراتورلر قبرستانی دیر.»
امریکا و ناتو حربی کوچلرینینگ افغانستانده حضوری، میلادی ۲۰۰۱-ییل اکتوبر آییده باشلنگن و قریب ۲۰ ییل دوام ایتیب، میلادی ۲۰۲۱-ییل، ۳۱ آگستده امریکانینگ سونگی حربیلری چیقیب کیتیشی بیلن یکونلنگن.
