افغانستان دن امریکا حربی کوچلری نینگ چیقیشیدن قریب ایکی ییل اوتسه ده، بیراق امریکا نماینده‌لر کینگشی نینگ خارجی مناسبت‌لر ایشلری بوییچه کمیته باشلیغی مایک مک‌کال، اوشبو مملکت تشقی ایشلر وزیرلیگی گه، افغانستان دن امریکا حربی کوچلری نینگ شاشیلینچ چیقریلیش حجتی اوشبو کمیته بیلن شریک قیلینیشی اوچون ایکی کون مهلت بیرگن.
مایک مک‌کال نینگ ایتیشیچه: «مینی چقیریش گه حقیم بار، شریک قیلیش گه تیار من. ایشلر حلی اوچون سابق فدرال محکمه‌سی اورنیدن قوللـه‌نیشنی اویله‌ی سیزلر، بیراق قولینگیزدن کیلمه‌گن حالده، چقیریش، قولگه آلیش بویروغی و جزالنتیریش درخواستی بیلن آلغه باریش گه مجبور بوله‌سیز.»
بیزلرنینگ فیسبوک صحیفه‌میزگه باش اورینگ!
عین‌حالده، خلق‌ارا مسئله‌لر تدقیقاتچیسی نظیراحمد رزاقی نینگ ایتیشیچه، چین نینگ کوچلی بولیشی و روسیه نینگ اوکراین گه هجوم قیلیش اوچون تیارگرلیگی، امریکا تشقی سیاستی ده اوزگریش کیلتیریب و افغانستان دن اوز حربی کوچلرینی چیقریش گه سبب بولگن.
او نینگ سلام‌وطندار گه ایتیشیچه: «امریکا اوچون افغانستان اوروشی کوپ خرجت کوتاردی. ۲۰ ییل ایچیده امریکا نینگ ریجه‌لری مغلوبیت گه دوچ بولدی. ایکی مسئله جوده‌هم مهم بولگن ایدی؛ بیری چین نینگ کوچلی بولیشی و ایکینچیسی روسیه دنیا بویلب قدرتینی ایگللش اوچون تیارگرلیک کوریشی.»
باشقه تاماندن، بیلیم یورتی اوقیتووچیسی شفیق‌الله سادات گه کوره، امریکا افغانستان دن چیقیشینی تیکشیریش بیلن، جهانی اعتبارینی قیته قازانیش مقصدیده سعی‌وحرکت قیلماقده.
او نینگ کوپه‌یتیریشیچه: «امریکا نینگ افغانستان دن چیقیش سببی، مغلوبیت گه اوچره‌شی ایدی. امریکا جهانی اعتبارینی قیته قازانیش مقصدیده، سیاسی نخبه‌لری بیرقرار گه کیلیش مقصدیده سعی‌وحرکت قیلماقده‌لر.»
بیزلرنینگ توییترده هم تعقیب قیلینگ!
افغانستان دن امریکا نینگ شاشیلینچ چیقیشی، امریکا فقرالری و سیاسی حزب‌لر نینگ ایریم مناسبت‌لری بیلن روپه‌ره بولگن، جوبایدن نینگ سیاسی منتقدلری، بو چیقیشنی امریکا اوچون سیاسی مغلوبیت دیب بهاله‌یدیلر.
امریکا تروریزم گه قرشی کوره‌ش آتیده، افغانستان ده ایکی سنه حربی حضوری دن کیین، ۲۰۲۱_ییل ۳۰ آگست ده اوشبو مملکت نی بوتونلی ترک ایتدی.
