آمریکا تشقی ایش‌لر وزیری آنتونی بلینکن، آمریکا حربی‌لری نینگ افغانستاندن چیقگنیدن سونگ، ایچکی اوروش باشله‌نیش احتمالی‌گه ایشانه‌دی، لیکن اونینگ تاکید قیلیشیچه، هیچ‌بیر تامان ایچکی اوروش‌لر باشله‌نیشیگه علاقمند ایمس.
آمریکا تشقی ایش‌لر وزیری بو مسله‌نی «سی‌ان‌ان» خبری شبکه‌سی بیلن اوتکزگن صحبتی‌گه بیان قیلگن. بلینکن نینگ ایتیشیچه، افغانستان اهالیسی ایچکی اوروش‌نی باشلتمه‌یدی و نهایت‌ده افغانستان دولتی و طالبان گروهی هم بو ایش‌گه اقدام قیلمه‌یشی ممکن. اونینگ تاکید قیلیشیچه، افغانستان قوشنی‌لری هم بو ایش‌گه علاقمند ایمس.
بلینکن نینگ کوپه‌یتیریشیچه، افغانستان قوشنی‌لری و منطقه مملکت‌لری اوتگن ۲۰ ییل جریانیده آمریکا و ناتو گه قره‌گنده اوروش‌لردن اوزاقده قالگنلر و حاضرده افغانستان مسله‌سینی حل قیلیش اوچون اوز نفوذی دن ایش آلیشی کیره‌ک.
اونینگ ایتیشیچه، امریکا کوچلری نینگ افغانستاندن چیقیشی مناسبات‌لرنی توخته‌تیش و افغانستاندن حمایت قیلمه‌یش معنی‌سیگه ایمس.
آمریکا تشقی ایش‌لر وزیری نینگ تاکید قیلیشیچه، اوشبو مملکت افغانستان دولتی و اهالی سیدن دیپلماتیک حمایت‌گه دوام بیره‌دی و کینگی‌تیریش، انسان دوستلیک و افغانستان امنیتی و دفاعی کوچلریگه اقتصادی یاردم‌لرنی فراهم قیلیش‌گه تعهدلی دیر.
جناب بلینکن نینگ ایتیشیچه، حاضرده افغانستان مسله‌سی اوچون کوپینچه اویینچی‌لر فعال بولگن و بو جریانی ایجابی شکلده ایلگری کیتیشیدن امیدوار دیر، بیراق آمریکا هرقنده‌ی سناریوگه قرشی تیار دیر.
شونینگدیک، افغانستان تینچلیک جریانی بوییچه آمریکا خاص نماینده‌سی زلمی خلیلزاد نینگ اوشبو مملکت بویوک‌لر کینگشی نینگ تشقی رابطه‌لر کمیته‌سیده ایتیشیچه، آمریکا کوچلری افغانستاندن چیقگنیدن سونگ، ایکی گزینه بار.
جناب خلیلزاد گه کوره، مذکور ایکی گزینه سیاسی کیلیشوو و طولانی اوروش دن عبارت دیر. افغانستان تینچلیک جریانی بوییچه امریکا خاص نماینده‌سی نینگ کوپه‌یتیریشیچه، افغانستان نینگ بیر گزینه نی انتخاب قیلیشی کیره‌ک.
