تورکمنستاندن افغانستان گه آلیب کیلینگن برق اوزیلیشی بیلن، مملکت شمال و غرب ولایتلرینینگ اهالیسی ایریم قیینچیلیک بیلن دوچ بولگنلریدن شکایت قیلهدی.
اولرنینگ ایتیشیچه، برق اوزیلیشی، کوندهلیک فعالیتلری و ایشلرینی قیینچیلیک بیلن دوچ قیلگن و بو وضعیت دوام ایتگن حالده، یشاوچیلر و کسبهکارلر کوپراق قیینچیلیک بیلن دوچ بولیشلری ممکن.
سمنگان ولایتیدن بولگن نصرالدین و بلخ ولایتیده دکاندار رامین، برق اوزیلگنی کوندهلیک ایشلریگه سلبی تأثیر قوییب و ایریم قیینچیلیک بیلن دوچ قیلگنینی ایتهدیلر.
نصرالدیننینگ ایتیشیچه: «سمنگان ولایتی برقی اوتگن کونی اوزیلدی و هوا جوده هم ایسیق، عایلهلر، کسللر و شفاخانهلرده ایریم قیینچیلیک تاپیلیشی ممکن و مسئول ادارهلردن بوتوغریده دقت قیلیشلرینی سورهیمیز.»
رامین هم شوندهی دییدی: «اوتگن کون عصر پیتی ساعت ۴:۰۰ اطرافیده برق اوزیلدی کوپ قیینچیلیک بیلن دوچ میز و دولتدن تیزراق حل قیلیشنی ایستهیمیز.»
هرات ولایتی یشاوچیسی بولگن لطیفه هم، اوتگن کوندن بیری بو ولایت برقی اوزیلگنینی بیلدیرهدی: «اوتگن کون برق اوزیلدی و کیلیشنی کوتیب تورگندیک چونکه کوندوز تاماندن ایکی ساعت و کیچه تاماندن هم ایکی ساعت برق کیتردی، بیراق شام هم بولدی لیکن برق کیلمهدی، خبرلرده قیینچیلیک تاپیلگنینی ایشیتدیک.»
بادغیس ولایتیدن بولگن عبدالحینینگ ایتیشیچه، برق یوقلیگیده سوو گه بولگن احتیاجلرینی تأمینله آلمهیدی. او شوندهی دییدی: «برق نیچه ساعت اوزیلگنده قیینچیلیک بیلن دوچ بولهمیز و عایلهلر احتیاجی بولگن سوونی تأمینلهی آلمهیدی و جنراتوردن قوللنسهی نفت نرخی یوقاری.»
شو بیلن بیرگه، برشنا کمپنیهسی مسئوللری، تورکمنستاندن افغانستان گه آلیب کیلینگن برق اوشبو مملکت حدودیده یوزه گه کیلگن تخنیک قیینچیلیک سبب اوزیلگن و معمانی برطرف ایتیش بوییچه سعی-حرکتلر دوام ایتماقدهلیگینی ایتهدیلر.
اولرنینگ ایتیشیچه، تورکمنستاندن آلیب کیلینگن برقنینگ اوزیلیشی معماسینی حل قیلیش اوچون اوزبیکستاندن مقابل برق ییتکزیب بیریش آرقهلی، ییتی ولایتنی وقتینچه برق بیلن تأمینلشنی سورهگنلر.
برشنا کمپنیهسی سوزلاوچیسی محمدصادق حقپرست شوندهی دییدی: «تورکمنستاندن افغانستان گه آلیب کیلینگن برقی اوشبو مملکتده اوزیلگن، شونینگ اوچون بلخ، جوزجان، سرپل، بادغیس، فراه، سمنگان، فاریاب و هرات ولایتلرینینگ برقی اوزیلگن. بو قیینچیلیکنی تیزراق حل قیلیش اوچون تورکمنستاننینگ تورکمن انرگو کمپنیهسی مسئوللری بیلن مذاکرهلر دوام ایتماقده.»
افغانستان اوزینینگ ضرور برق انرژیسینینگ کتته قسمینی قوشنی دولتلردن جملهدن اوزبیکستان، تورکمنستان و ایراندن تأمینلهیدی؛ شو سببلی اوشبو مملکتلرده یوزه گه کیلهدیگن هر قندهی تخنیک معما یا کی برق تأمیناتیدهگی اوزیلیش افغانستاننینگ ایریم ولایتلریده هم برق انرژیسینینگ اوزیلیشی گه آلیب کیلهدی.
