قیز اوقووچیلردن بیرقطاری نینگ ایتیشلریچه، اوزلری همده جمعیت گه خذمت قیلیش و مملکت آبادانچیلیگی اوچون حصه قوشیش مقصدیده، کیلهسی ینگی ییل ده بیلیم یورت گه باریشنی امید قیلر ایدیلر؛ بیراق بیلیم یورتلر ایشیگی یاپیلیشی بیلن امیدلرینی قول دن بیرگنلر.
کابل ده اون ایکینچی صنف اوقووچیسی صالحه گه کوره، طب بولیمیده تحصیل قیلیش اوچون نیچه ییل آلدین دایکندی دن کابل گه کیلگن؛ بیراق کیلهسی ینگی ییل ده کانکور سیناوی ده قیزلر نینگ قبول قیلینمسلیگی باعث، امیدسیز بولگن.
صالحه نینگ ایتیشیچه: «طب فاکولتهسیده اوقیش اوچون کوپ قیینچیلیک بیلن دایکندی دن کابل گه کیلگن من؛ بیراق حاضر عالی اوقوو وزیرلیگی کیلهسی ینگی ییل ده قیزلرنی کانکور سیناوی دن محروم قیلگن.»
بیزلرنینگ فیسبوک صحیفهمیزگه باش اورینگ!
قیز اوقووچیلردن باشقه بیری طاهره گه کوره: «برچه قیزلر مکتبلر ایشیگی آچیلیشنی کوتماقده ایدیلر. نهفقط آچیلمهدی بلکه عالی اوقوو وزیرلیگی نینگ بیانیه اساسیده، بیلیم یورتلر گه ثبت نام قیله آلمهیمیز.»
خصوصی بیلیم یورتلردن قطاری نینگ مسئوللری گه کوره، بیلیم یورتلرده قیز اوقووچیلر گه رخصت بیریلمسلیگی باعث، اوشبو بیلیم یورتلردن قطاری فعالیتلرینی توختهتیش گه مجبور بولهدیلر.
عینحالده، بیلیم یورتلر و خصوصی عالی تحصیلات مؤسسهلر اتفاقی نینگ ایتیشیچه، قیزلر نینگ تعلیمی توختهتیلیشی باعث، قطار بیلیم یورتلر قیینچیلیک بیلن روپهره بولگن.
مذکور اتفاق سوزلاوچیسی کریم ناصری گه کوره: «عالی اوقوو وزیرلیگی نینگ سونگی بیانیهسی، قطار بیلیم یورتلر فعالیتینی توختهتیب و سرمایهلرینی چیت ایل گه انتقال بیریش گه سبب بولهدی.»
ینگیلیکده عالی اوقوو وزیرلیگی، بیلیم یورتلر و خصوصی عالی تحصیلات مؤسسهلردن ۱۴۰۲_ییل کانکور سیناولریده، قیز طلبهلر نینگ قبول قیلمسلیک بویروغینی بیرگن.
بیزلرنینگ توییترده هم تعقیب قیلینگ!
اوشبو وزیرلیک سوزلاوچیسی ضیآالله هاشمی نینگ ایتیشیچه: «عالی اوقوو وزیرلیگی، بیلیم یورتلر و خصوصی عالی تحصیلات مؤسسهلر گه، کیینگی امرگچه ۱۴۰۲_ییل کانکور سیناولری گه قیزلرنی قبول قیلمسلیک بویروغینی بیرگن.»
عینحالده، مذکور وزیرلیک اوشبو ییل ۲۹ قوس ده، قیز اوقووچیلر نینگ تعلیمینی کیینگی امرگچه توختهتدی. اسلام امیرلیگی نینگ اوشبو قراری، ملی و خلقارا مناسبتلر گه روپهره بولگن.