کابل ده مهمانخانه‌لردن قطاری نینگ مسئوللری گه کوره، جمهوریت توزومی گه قره‌گنده، مهمان‌لری نینگ سانی ۹۰ فایز کمه‌یگن. کابل شهری‌ده اینگ ایسکی مهمانخانه‌لردن بیری بابا‌ی‌ولی مهمانخانه‌سی دیر. اوشبو مهمانخانه مسئولی عیدمحمد حسین‌خیل نینگ ایتیشیچه، جمهوریت توزومی‌ده اوشبو مهمانخانه ده بیر کیچه_کوندوز‌ده یوز‌دن آرتیق مهمان دن میزبان‌لیک قیلر ایکنلر؛ بیراق حاضر ایسه بیر کیچه_کوندوز‌ده یالغیز تورت یا-ده بیش مهمان دن میزبان‌لیک قیلیشه‌دی.
او نینگ کوپه‌یتیریشیچه: «بدخشان نینگ واخان تومنیدن هلمند گچه مشتری‌میز بار ایدی و بو مهمانخانه گه کیلیب ایکی، اوچ یا-ده کوپراق قالر ایدیلر؛ بیراق حاضر ایسه یشاوچیلر نینگ کمبغل‌لیگی سبب، بیر ولایت‌دن باشقه بیر ولایت گه مسافرت کمه‌یگن.»
بیر کیچه_کوندوز‌ده یوزلرچه کیشی‌دن میزبان‌لیک قیلیش امکانیتی گه ایگه بولگن کابل شهری نینگ کوته‌ی سنگی مطقه‌سیده‌گی دنیا مهمانخانه‌سی مسئولی یاسین‌محمدی گه کوره، اسلام امیر‌لیگی حاکمیتیدن کیین، بیر کیچه_کوندوز‌ده یالغیز بیش مهمان‌دن میزبان‌لیک قیله‌دیلر.
بیزلرنینگ فیسبوک صحیفه‌میزگه باش اورینگ!
او نینگ ایتیشیچه: «مهمانخانه‌لر و ایش وضعیتی احوالی یخشی ایمس و یوز‌مینگ افغانی سرمایه یاتقیزدیک و ۱۰۰دن آرتیق کیشی دن میزبان‌لیک قیلیش امیدی‌میز بار ایدی و حاضر ایسه ۳ یا-ده ۵ مهمان‌دن میزبان‌لیک قیله‌میز.»
شونینگدیک، اوتگن نیچه ییل‌ده تشقی نهاد‌لر ایشلاوچیلری و دیپلومات‌لریدن میزبان‌لیک قیله‌دیگن کابل نینگ شهرنوی ده‌گی مهمانخانه‌لری، اوتگن ۱۹ آی‌دن بیری مهمان کم‌لیگی بیلن روپهره بولگنلر.
کابل شهرنوی ده «نیستان هرات» مهمانه‌سی مسئولی سید‌احمد اعظمی نینگ ایتیشیچه، جمهوریت توزومی‌ده بیر کیچه و کوندوز‌ده یوزلرچه مهمان‌دن میزبان‌لیک قیلر ایدیلر، بیراق حاضر ایسه بیش مهمان‌دن میزبان‌لیک قیلماقده‌لر.
اونگه کوره: «بیر ایکی مهمانخانه‌میز بار و ۳۰ اتاقی بار و هر اتاقی فرق‌لی دیر. اوتمیش‌ده ۱۰۰دن آرتیق یولاوچی دن میزبان‌لیک قیلر ایدیک و حاضر ایسه مهمانخانه‌میز گه ۵ مهمان کیله‌دی. مسافر کم‌لیگی بیلن روپهره میز و بو وضعیت دوام تاپگن صورت‌ده فعالیتی‌میزنی توخته‌تیش گه مجبور میز.»
شونده‌ی بیرحالده، یولاوچیلردن قطاری پایتخت‌ده مهمانخانه‌لر فعالیتی احتمالی توخته‌تیلیشیدن خواطر بیلدیریب ایتیشلریچه، کیله‌جک‌ده کابل ده یشش محیط کم‌لیگی بیلن روپهره بولیش‌لری ممکن.
فاریاب یشاوچیسی غلام‌صدیق آذرخش و بدخشان یشاوچیسی عبدالناصر، کابل نینگ شهرنوی و جاده‌ی میوند منطقه‌سی ایکی مسافرخانه‌ده‌گی مهمان‌لر نینگ ایتیشلریچه، پایتخت و باشقه ولایت‌لرده مسافرخانهلر نینگ یاپیلیشی، کابل گه نیچه کون‌لیک کیله‌دیگن مهمان‌لرنی کوپینچه قیینچیلیک بیلن روپهره قیلیشی ممکن.
بیزلرنینگ توییترده هم تعقیب قیلینگ!
فاریاب یشاوچیسی غلام‌صدیق آذرخش گه کوره: «ایکی کون‌دن بیری کابل شهرنوی‌ده مسافر‌خانه‌لردن بیری گه کیلگن من و اوشبو مسافرخانه مسئوللری کوپ یخشی میزبان‌لیک قیلدیلر و بو مسافرخانه مسافر کم‌لیگی بیلن روپهره دیر و کیله‌جک‌ده باشقه ولایت‌لر یشاوچیلرینی قیینچیلیک بیلن روپهره قیلیشی ممکن.»
بدخشان یشاوچیسی عبدالناصر نینگ ایتیشیچه: «نیچه ییل‌دن بیری اوشبو مسافرخانه مشتری‌سی‌‌میز و دایم بو ییر گه کیله‌میز و حاضر ایسه اوشبو مسافرخانه مسافر‌لری اوتمیش گه قره‌گنده کمه‌یگن.»
ایتیش کیره‌ک که، اوتگن بیر یریم ییل‌ده کابل ده مسافرخانهلر ایشی تنزل گه یوز توتگنی سبب، سرپل، نوبهار و کوته‌سنگی منطقه‌سیده‌گی محمد مسافر‌خانه‌سی کبی مسافر‌خانه‌لردن قطاری ۱۰ ییل فعالیت‌دن کیین یاپیلگن دیر.
