افغانستان برق ییتکزیش شرکتی (برشنا)، تویتر صحیفه‌سیده بیر اطلاعیه ترقه‌تیب ایتیشیچه، اوزبیکستان‌دن افغانستان گه وارد قیلینه‌دیگن برق بوگون عصر چاغی (جمعه، ۲۳ جدی) اوزبیکستان توپراغیده چیقگن فنی قیین‌چیلیک سبب، پرچاو بولگن.
مذکور شرکت نینگ کوپه‌یتیریشیچه، اوزبیکستان برق مسئوللری نینگ ایتیش‌لریچه، اوشبو قیین‌چیلیک نی تیزلیککه حل قیلیش اوچون سعی و حرکت قیلماقده‌لر.
بیزلرنینگ توییترده هم تعقیب قیلینگ!
برشنا شرکتی نینگ یازیشیچه: «د افغانستان برشنا شرکت مسئوللری برق پرچاوی‌سی نی تیزلیککه حل قیلیش اوچون جدی شکلده سعی و حرکت قیلگنلریدن کیین، ۷۵ مگاوات تاجیکستان نینگ وارداتی برقی نی کابل، قندوز و تخار گه وصل قیلگنلر.»
برشنا شرکتی گه کوره، شونینگدیک برشنا رهبری نینگ بویروغی اساسیده، «تره‌خیل» حرارتی دستگاه‌سی هم ۶۰ مگاوات برق ایشلب چیقاریش بیلن فعال بولگن و ایچکی سوو برقی منبع‌لردن کوپراق برق ایشلب چیقریله‌دی که، بیرینچی‌ده کسل‌خانه‌لر و اونملی خوفسیزلیک اداره‌لر و ایکینچی‌ده ایسه یشش ییرلر گه نوبتی شکلده برق ترقه‌تیله‌دی.
بیزلرنینگ فیسبوک صحیفه‌میزگه باش اورینگ!
مذکور شرکت، یشاوچیلر نینگ صبر_طاقت‌لری خصوصیده منت‌دارلیک بیلدیرگن.
