افغانستان برق ییتکزیش شرکتی یا-ده برشنا، اوتگن کیچه بیر خبرنامه آرقلی هرات‌ده سلما توغانی نینگ اوچینچی توربینی قیته فعال بولگنیدن خبر بیریب و ایتگن که، اوشبو توغان نینگ برق تولیدی نارمل حالتی‌گه قیتگن. برشنا شرکتی نینگ کوپه‌یتیریشیچه، اوشبو شرکت نینگ تخنیک ایشلاوچیلری، سلما توغانی نینگ اوچینچی توربینی نی توزه‌تیب و قیته برق شبکه‌سی گه شامل قیلگنلر.
بیزلرنینگ فیسبوک صحیفه‌میزگه باش اورینگ!
برشنا شرکتی نینگ خبرنامه‌سیده کیلیشیچه، حاضر سلما توغانی نینگ اوچتله توربین‌لری، ۳۰دن آرتیق میگاوات برق تولید قیله‌دی. اوشبو شرکت نینگ ایتیشیچه، برق تولیدی اوچون ایچکی منبع‌لردن قولنیلیشی بیلن، برق تأسیسات‌لری نینگ حفظ و مراقبتی اوچون جدی دقت قیله‌دی.
بیزلرنینگ توییترده هم تعقیب قیلینگ!
ولایت‌لردن قطاری اینیقسه مملکت غربی‌ده کوکلم موسومیده یامغیر یاغمسلیگی و قوریق‌چیلیک خصوصیده خواطرلر بولگن بیرحالده، برشنا شرکتی سلما سوو توغانی نینگ اوچینچی توربین‌لری نی فعالیت گه باشلگنیدن خبر بیرگن. سونگی ییل‌لرده، سلما توغانی نینگ توربین‌لری سوو کم‌لیگی باعث، برق تولید قیلیش گه قادر ایمس ایدی.
