هوا نینگ ساووق بولیشی و دود قیلووچی یاقیلغی ماده‌لر اینیقسه تاش کومیر، رابر و پلاستیک‌دن قوللنیلیش نینگ باشلنیشی بیلن بیرگه، پایتخت هواسی حد‌دن تشقی افلاسلنیب و تورلی کسللیکلر گه سبب بولگن.
کابل شهری یشاوچیلریدن قطاری هوا افلاسلیگی نینگ حد‌دن تشقی کوپهیگنیدن شکایت قیلیب و ایتیشلریچه، هوا افلاسلنیشی کوپه‌یشی بیلن بیرگه، اوزلری و عایله اعضالری تنفسی کسللیکلر گه چلینگنلر.
بیزلرنینگ فیسبوک صحیفه‌میزگه باش اورینگ!
کابل یشاوچیلریدن بیری حمید نینگ ایتیشیچه: «حاضر اوزیم کسل‌مین، ایرتنگ‌دن آخشم‌گچه بو ییرده ایشله‌یمن. برچه ییر توپراق و دود. سینگیل‌لریم‌دن برچه‌سی کسل بولگن. اوزیم حاضر یوتله‌من.»
شونینگدیک کابل یشاوچیلریدن باشقه بیری محمود نینگ ایتیشیچه: «هوا افلاسلیگی کوپه‌یگنی سبب، نفس آلیش هم قیین بولگن. هیچ بیر ییر درست کوریلمه‌یدی، سونگی کون‌لر هوا جوده‌یم افلاسلنگن.»
بیراق کابل بلدیه‌سی اوشبو شهرده یشش اوی‌لردن بیر میلیونی‌ده، یاقیلغی ماده صفتیده پلاستیک، رابر و تاش کومیر یاقیلیشی نینگ شهر هواسی افلاسلنیشی گه سبب بوله‌دیگن اصلی عامل عنوان قیلگن.
کابل بلدیه‌سی سوزلاوچیسی نعمت‌الله بارکزی نینگ ایتیشیچه، پایتخت هواسی افلاسلنیشی نینگ کمه‌یتیریش اوچون، اوتگن ایکی ییل‌ده دود یره‌ته‌دیگن ییر گه دود نی تازه‌لش ۳۵۰ فلتر قورگنلر. اونینگ کوپه‌یتیریشیچه: «حاضرگچه ۳۵۰ فلتر قورگن‌میز. بیر میلیون اوی، اپارتمان هم ایمس و هر اولر اوی‌لری نی ایسیتیش اوچون هر نرسه‌‌دن قوللنه‌دیلر که بو نرسه‌لر هوا افلاسلنیشی گه سبب بوله‌دی.»
اطراف-محیط‌نی سقلش ملی اداره‌سی نینگ افلاسلیک نی کنترول قیلیش آمریتی مسئوللری گه کوره، اوتگن ییتی کون جریانیده، هوا افلاسلنیشی نینگ آلدی آلینیشی اوچون ۱۲۰ آپارتمان نی تیکشیرگنلر.
اطراف-محیط‌نی سقلش ملی اداره‌سی نینگ افلاسلیک نی تیکشیریش و کنترول قیلیش آمری طوفان جبران نینگ ایتیشیچه: «هوا نینگ افلاسلیگی ایرتنگ و توش‌دن کیین یامان بوله‌دی. یوره‌ک کسل‌لیگی گه چلینگن کیشی‌لر بو پیت‌لرده اوی‌دن چیقمه‌سینلر. حاضر ایسه کابل ده ۹۰ فایز دود نی تازه‌لش فلتر بار. بیر هفته‌ده ۱۲۰ یشش اوی نی تیکشیردیک.»
بیزلرنینگ «ایکس» ترماغی ده هم تعقیب قیلینگ!
اطراف-محیط بوییچه ایش بیلرمانی نجیب‌الله سدید نینگ ایتیشیچه، کابل ده هوا افلاسلیگی کمه‌یشی اوچون بلدیه، یشاوچیلر گه یاغاچ و تاش کومیر بدیلی نی یره‌‌تیشی کیره‌ک. اونینگ کوپه‌یتیریشیچه: «قیش موسومی‌ده اوی نی ایسیتیش اوچون یاقیلغی ماده‌لردن آزراق قوللنیسه، حکومت قیش موسومی‌ده قیله آلسه گاز قیمتی نی حداقل اوچ آی‌ده کمه‌یتیرسین، چونکه گاز آزراق هوا نی افلاسلنتیره‌دی.»
هر ییل قیش موسومی‌ده، یاقیغلی ماده اینیقسه تاش کومیر یاقیلیش میزانی کوپه‌یشی سبب، کابل هواسی حد‌دن تشقی افلاسلنیب و یشاوچیلر ساغلیگی نی تهدید قیله‌دی.
