کابل بلدیه‌سی بوگون (سه‌شنبه، ۱۴-قوس)، پایتخت ده هوا افلاسلیگی کمه‌یشی مقصد، آگاهی‌لیک بیریش برنامه‌سی نی یولگه قویگن. کابل بلدیه‌سی مسئوللری نینگ ایتیشلریچه، مذکور برنامه کابل شهری گذر نماینده‌لری، کابل عالم‌لر کینگشی و ییگیت‌لر نماینده‌لری گه آگاهی‌لیک بیریش اوچون یولگه قوییلگن.
کابل بلدیه‌سی فرهنگی ایشلری بوییچه باشلیغی ولی‌گل جواد نینگ ایتیشیچه: «هوا افلاسلیگی افغانستان اینیقسه کابل شهریده اینگ بویوک بیر قیین‌چیلیک دیر و کابل بلدیه‌سی یالغیز اوزی هوا افلاسلیگی نی کمه‌یتیره آلمه‌یدی و اهالی هم اوز مسئولیتی نی حس قیلیشلری کیره‌ک. کابل بلدیه‌سی اوز تیارگرلیگی نی آلگن دیر؛ مسجد‌لرده دین عالم‌لری و مکتب صنف‌لریده اوقیتووچیلری هوا افلاسلیگی کمه‌یشی اوچون اوقووچیلر گه آگاهی‌لیک بیرسینلر.»
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، کابل بلدیه‌سی نینگ اطراف-محیط سلامت‌لیگی باشلیغی محمدمنیراحمد مبارز، اطراف-محیط قانونلری عمل گه آشیریلمه‌گنی، صفت‌سیز دود قیله‌دیگن ماده‌لردن قوللنیش، برق یوقلیگی، کابل شهریده حددن تشقری جمعیت نینگ توپلنگنی و هوا افلاسلنیشی خصوصیده اهالی نینگ آگاهی‌سیزلیگی نی، کابل شهریده هوا افلاسلیگی کوپه‌یشی اصلی عامل‌لریدن عنوان قیلیب و اوشبو قیین‌چیلیک آلدی آلینیشی اوچون، شونینگدیک نیچه حل یول نی بیان قیلگن.
اونینگ ایتیشیچه: «قیته تیکلنه‌دیگن انرژی‌دن قوللنیش، هوا نینگ تازه‌لاوچی دستگاه قوریلیشی، گاز قیمتی کنترول بولیشی، شهرده یشش فرهنگی رواجلنیشی، شهری منظم ترانسپورت تنظیم بولیشی و شونینگدیک ییشیل محیط نینگ کوپه‌یشی، هوا افلاسلیگی کمه‌یشی گه یاردم بیره‌دی.»
بولر گه علاوه، کابل بلدیه‌سی نینگ ییشیل‌لیک بوییچه ریاستی اورین‌باسری سراج‌الدین پتان نینگ ایتیشیچه، کابل هواسی نینگ افلاسلیگی آلدی آلینیشی اوچون، دم آلیش ییرلریده ۶۰۰۰ کوچت ایکیلیب و کیله‌سی ییل‌ده باشقه بیر یریم میلیون کوچت نینگ ایکیلیشی گه قرار آلینگن.
اونینگ کوپه‌یتیریشیچه: «دم آلیش ییرلرده بیرمیلیون مرسل گلی کوچتی نینگ ایکیلیشی گه قرار آلینگن و کیله‌سی ییل‌ده بیریریم میلیون کوچک نینگ ایکیلیشی ممکن. کابل شهریده کوچت سقلنیشی اوچون ساحه‌یی پاسپورت ترقه‌لیش طرحی نی هم قولگه آلگنمیز.»
شونده‌ی بیرحالده، اوشبو برنامه گه شرکت قیلگنلردن قطاری، بو کبی برنامه‌لر نینگ یولگه قوییلیشی نی فایده‌لی بیلیب و یشاوچیلریدن هوا افلاسلیگی کمه‌یشی اوچون، کابل بلدیه‌سی بیلن همکارلیک قیلیشلری نی ایسته‌گنلر.
کابل شهری ایکینچی ناحیه گذر نماینده‌سی محمدحفیظ نینگ ایتیشیچه: «بو برنامه اوزیم و برچه اهالی اوچون فایده‌لی دیر و جلسه‌لر آرقه‌لی اوشبو برنامه پیغامی نی اهالی گه ییتیشتیره‌میز و اهالی دود قیله‌دیگن نرسه‌لردن قوللنمه‌سلیکلری کیره‌ک.»
بیزلرنینگ «ایکس» ترماغی ده هم تعقیب قیلینگ!
شونینگدیک کابل شهری بیرینچی ناحیه گذر نماینده‌لر باشلیغی بریالی امین نینگ ایتیشیچه: «بو ییرده بیر موضوع نی اورگندیک، بو موضوع‌لر نینگ وکیل‌لر و گذر نماینده‌لری توپلمی بیلن اهالی گه ییتیشتیره‌میز و اوشبو برنامه کوپ فایده‌لی دیر.»
ایتیش کیره‌ک که، اوی‌لر نینگ ایسیتیش اوچون صفت‌سیز یاقیلغی ماده‌لر قوللنیلیشی و بدیل یاقیلغی ماده یوقلیگی سبب، پایتخت هواسی هر ییل ساووق بولگنی‌ده جدی شکلده افلاسلنه‌دی.
