پاکستان ده افغانستان ایلچیخانه‌سی و افغانستان و پاکستان سوداگرلیک و صناعت قوشمه اتاقی گه کوره، ایکی مملکت نینگ سوداگرلیک و ترانزیت قراردادی گه قرشی، پاکستان تامانیدن افغانستان نینگ سوداگرلیک توارلری گه یره‌تیلگن چیکلاولر باعث، افغانستان سوداگرلیک توارلرینی یوکله‌گن یوزلب کانتینر کراچی بندری ده بند قالگن.
افغانستان و پاکستان سوداگرلیک و صناعت قوشمه اتاق باشلیغی نقیب‌الله صافی نینگ سلام‌وطندار گه ایتیشیچه، پاکستان تامانیدن افغانستان سوداگرلیک توارلری گه یره‌تیلگن چیکلاولر باعث، افغانستان سوداگرلیک توارلری ترانزیت جریانینی قیینچیلیک بیلن روپه‌ره قیلگن.
بیزلرنینگ فیسبوک صحیفه‌میزگه باش اورینگ!
او نینگ کوپه‌یتیریشیچه: «پاکستان، افغانستان گه ترانزیت قیلینه‌دیگن ۲۱۲ ترانزیتی قلم و کراچی بندری دن افغانستان گه ترانزیت قیلینه‌دیگن باشقه سوداگرلیک توارلر گه چیکلاو یره‌تگن، بو قرار ایکی تامان سوداگرلری و خصوصی سکتوری اوستیگه سلبی تاثیر قیله‌دی، هر کونی کراچی بندری دن ۲۰۰ و ۳۰۰ کانتینر اوته‌دی.»
پاکستان ده افغانستان ایلچیسی سرداراحمد شکیب گه کوره، پاکستان تامانیدن افغانستان سوداگرلیک توارلری گه یره‌تیلگن چیکلاولر دوامی، ایکی مملکت نینگ سوداگرلیک مناسبتی اوستیگه تاثیر قیله‌دی.
او نینگ ایتیشیچه: «سونگی کون‌لرده پاکستان، افغانستان سوداگرلیک توارلری گه چیکلاو یره‌تگن، مثال صورتده، قاره چای، تایر، منسوجات و باشقه توارلر. بو چیکلاولر بیکار قیلینیشی اوچون پاکستان تامانی بیلن مذاکره قیلماقده‌میز.»
اقتصادی ایش بیلرمان نصیررنجبر نینگ ایتیشیچه، ینگی‌لیکده افغانستان سوداگرلیک توارلری گه پاکستان تامانیدن یره‌تیلگن چیکلاولر دوامی، افغانستان بازارلریده سوداگرلیک توارلر نرخی آشیب و کمه‌یشی گه سبب بوله‌دی.
بیزلرنینگ «ایکس» ترماغی ده هم تعقیب قیلینگ!
اونگه کوره: «کراچی بندری ده سوداگرلیک توارلر توخته‌تیلیشی، بازار ده سلبی تاثیر قیلیشی ممکن، بیری نرسه کمچیلیگی گه سبب بولیب و نرخ‌لر آشه‌دی، بو قیینچیلیک مذاکره‌لر بیلن حل بولیشی کیره‌ک.»
افغانستان و پاکستان، افغانستان نینگ سابق جمهور باشلیغی حامدکرزی حکومتی زمانیده ۲۰۱۰-ییل ده، سوداگرلیک و ترانزیتی بیتیم نی امضاله‌گنلر، سونگی ییل‌لرده پاکستان بیلن افغانستان نینگ سوداگرلیک و ترانزیتی جریانی اوشبو کیلیشوونامه اساسیده دوام ایتماقده.
