کابل شهری پل باغ عمومی ساحهسینینگ پیاده یوللریدهگی گوجوملیکده، بیر قطار ساعت تعمیرلاوچیلیک کیچیک غرفهلری جایلشگن و او ییرده ایرککلر یشاوچیلرگه وقتنی تنظیم قیلیب، اویلریگه بیر لقمه نان آلیب کیتهدیلر. بو ایرککلر، وقت تیلیگه تانیش بولگن قوللری بیلن، ییللردن بیری ساده اوسکونهلر آرقهلی ساعتلرده وقتنی حرکت گه کیلتیریب و حیاتلرینی اوتکزماقدهلر.
بو ییرده تعمیرلاوچیلیک کیچیک غرفهسی بولگن ۶۷ یاشر هدایتالله، هر کونی ساعت تعمیرلش بیلن کونی نی باشلهب و آخشملر ایسه نیچه افغانی بیلن اویی تامان کیتهدی. او، توقیز کیشیلیک بیر عایله سرپرستی بولیب و اولرنینگ نیازلرینی تامینلش مقصد، ۱۰ ساعتدن کوپراق ایشلهیدی. «بیز اوشبو پیاده یولده ایشلهیمیز و بو ییرده ایش بیلن شغللنگنمیز. ۹ کیشیلیک عایله سرپرستیمین و اولردن برچهسینینگ خرهجتی بار. اوغیللردن اوچ تهسی ایشسیز دیر. حربی ایدیلر و حاضر ایشسیزلر.»
بیزلرنینگ فیسبوک صحیفهمیزگه باش اورینگ!
ساعتلرنی تعمیرلشدن قولگه کیلتیرهدیگن درآمدنینگ آزلیگی و کرایی گدامده حیات کیچیریش، زمان اوتیشینی اونینگ اوچون قیینلشتیرگن. «کوندهلیک درآمدیمیز بیللی ایمس؛ بیر کون آز و بیر کون کوپ دیر. هیچ ایشلمهگنیمیز کون هم بار. بو پول بیلن عایله نیازلرینی تامینلش قیین دیر. ۹ کیشیلیک بیر عایلهده ۵۰۰ افغانی کوندهلیک صرف-خرهجتنی هم چیقرمهیدی.»
گوجوملیک و بازارده اوتیب-قیتهدیگن کیشیلرنینگ سیس-شاوقینی آرهسیده، نه فقط هدایتالله آز درآمد بیلن ایشلهیدی، بلکیم اوندن بیراز اوزاقراقده، باشقه بیر ایرکک یاغاچدن یسل چوکیده قویاش آستیده اولتیریب و قرشیسیگه کیچیک بیر صندیقچهنی قویگن که بو صندیقچه، اونینگ ایش میزی هم دیر. او اسمینی غلامرسول دیب و ایتیشیچه، ۲۵ ییلینی بو ییرده ساعتلرنینگ عقربهلرینی تنظیملش بیلن اوتکزگن؛ بیراق او هم زمان اوتیشیدن ممنون کوریلمهیدی. «درآمدیمیز آز دیر، آچلیکدن اولدیک و پول هم یوق. عایلهده قریب ۱۲ کیشیمیز که بو ایش بیلن اوی خرهجتی هم چیقمهیدی. کونده ۲۰۰-۲۵۰ قولگه کیلهدی.»
اوشبو پیاده یولده، ۴۹ یاشر فرهاد ساعتلرنینگ عقربهلریگه تانیش قولی بیلن بو بازارنینگ چیکهسیده ۲۰ ییلدن بیری ساعت تعمیرلش گه شغللنگن. آلتی کیشیلیک عایله سرپرستی بولمیش فرهادنینگ ایتیشیچه، هیچ بیر مشتریسی بولمهی و کون آخریده بوش قول بیلن اویی تامان بارگن کونلر هم بولگن. «اویده یالغیز مین ایشلهیمن و باشقه ایشلهیدیگن یوق. بو درآمد ییترلی ایمس. قیینچیلیکلر کوپ دیر. اویده نه اون بار و نه یوق. بعضا هیچ بیر روپیه تاپمهگن کونیم هم بار. بو ییرگه ایرتنگدن آخشمگچه بولهمیز و ایش هم یوق و قیینچیلیکلر هم کوپ.»
وقت ایشلاوچیلرینینگ قیینچیلیگی یالغیز آز درآمد ایمس. قویاش ایسیقلیگی و چتری قویه آلمسلیک، زمان اوتیشینی قیینلشتیرگن. اولرنینگ ایتیشلریچه، قرض بیلن اوزلریگه کیچیک کراچی یا-ده غرفه قورگنلر؛ بیراق بلدیه ایشلاوچیلری اولرنینگ چتری قوییشلریگه توسیق بولگن و اولر کون بویی قویاش نوری آستیده بولیشگه مجبورلر.
بیزلرنینگ «ایکس» ترماغی ده هم تعقیب قیلینگ!
بو توغریده فرهادنینگ کوپهیتیریشیچه: «هر بیریمیز غرفه توزهتیش اوچون ۳۰ مینگ و ۲۰ مینگ قرضدارمیز. میزلریمیز نی سیندیردیلر و هیچ کیم سورهمهدی هم که سیزلرگه کیم غرفه بیردی، کیم پوللرینگیزنی آلدی و بو پول نیمه بولدی. بیزلر عایله خرهجتینی تامینلش گه مجبورمیز.»
کون آخریده پیاده یولده سایهلرنینگ یوقالیب، ساعت عقربهلری قرانغولیککه قرهب حرکتلنماققه باشلهگن پیتده هم، بو ایرککلر اوچون حیات حاضرگچه اوشه جایده توریب قالگن. اولر هر کونی قویاش ایسیقلیگی، اوتیب-قیتهدیگن کیشیلر گوجوملیگی و موترلر سیسی آرهسیده، ییللردن بیری زماننی توزهتیب کیلهیاتگن قوللری بیلن، دایم بیر نرسه اوندن آز بولگن دسترخوانلرینینگ تیریک سقلش اوچون سعیوحرکت قیلماقدهلر.
