پکتیکا یشاوچیلریدن قطاری نینگ ایتیش‌لریچه، اوشبو ولایت نینگ اوزاق منطقه‌لریدن قطاریده، کسل‌لر نینگ درمانی اوچون کسل‌خانه یوق و شونینگدیک کسل‌خانه موجود بولگن تومن‌لردن قطاری ایسه، دارو و داکتر کملیگی بیلن روپه‌رو دیر.
پکتیکا ولایتی مرکزی و تومنلریدن قطاریده یشاوچیلر نینگ سلام‌وطندار بیلن اوتکزگنلری صحبت‌لرده ایتیش‌لریچه، ساغلیک خذمتلر گه قول تاپه آلمه‌ی و کوپینچه قیین‌چیلیک بیلن روپه‌رو بولگنلر. اولر اسلامی امارت‌دن قیین‌چیلیکلری نینگ حل بولیشی نی ایسته‌یدیلر.
بیزلرنینگ فیسبوک صحیفه‌میزگه باش اورینگ!
پکتیکا ولایتی یشاوچیلریدن بیری حاجی توکل نینگ ایتیشیچه: «منطقه‌لردن بیر قطاریده اصلاً کسل‌خانه یوق. کسل‌خانه موجود بولگن منطقه‌لرده ایسه اصلاً داکتر یوق. کسل‌لریمیز نی درمان اوچون اوزاق تومنلر گه انتقال بیریش گه مجبور‌میز، بو حالت کسل‌لر اوچون کوپ قیین دیر.»
شونینگدیک پکتیکا ولایتی ورممی تومنی یشاوچیلریدن بیری حاجی شیرخان نینگ ایتیشیچه، سونگی ایکی دهه اوروش‌لری اولر نینگ بوتون امکانیت‌لردن محروم قیلگن. او حاضرگی حکومت و دنیا جماعه‌دن اوشبو ولایت‌ده معارف، ساغلیک و ایکینچیلیک وضعیتی گه توجه قیلیب و اولر گه انسانی یاردم‌لر نینگ فراهم قیلیش‌لری نی سوره‌گن.
بیزلرنینگ توییترده هم تعقیب قیلینگ!
شونده‌ی بیرحالده، پکتیکا حاکمی اورین‌باسری محب‌الله حماس، مذکور ولایت نینگ ساغلیک بولیمی‌ده‌گی قیین‌چیلیگی نی قبول قیلیب و تیزلیککه اوشبو قیین‌چیلیک نینگ حل قیلینیشی خصوصیده سعی و حرکتی‌دن خبر بیره‌دی.
بوندن آلدین خلق‌ارا تشکیلات‌لر نیچه مرته افغانستان ساغلیک نظامی نینگ سقوط قیلگنی خصوصیده آگاه‌لنتیریب و بو توغریده توجه بولمه‌گن صورت‌ده فاجعه یوز بیره‌دی دیگن بیرحالده، پکتیکا یشاوچیلری اوشبو ولایت‌ده ساغلیک امکانیت کملیگیدن شکایت قیلگنلر.
