ساغلیک خدمت‌لرنی ارائه قیلیش مهم بولیملردن بیری دیر مملکت‌ده یوز بیرگن سونگی اوزگریشلردن کیین مذکور بولیم هم کوپینچه قیینچیلیکلر بیلن روپه‌ره بولگن.
کابل‌ده دولتی کسلخانه داکترلریدن بیری شهباز تاتار نینگ سلام‌وطندارگه ایتیشیچه، کسل‌لر نینگ تشخیص ودرمانلش اوچون امکانیت آزلیگی بیلن روپه‌رو دیرلر. او اسلامی امارت‌دن، ساغلیک سکتوریده کوپینچه امکانیت فراهم قیلیش‌لرینی سوره‌یدی.
شهباز تاتار نینگ کوپه‌یتیریشچه: «حاضر کسل‌خانه‌لرده ساغلیک خذمت‌لر ارایه قیلینیشی قانیقرلی ایمس و حاضر ایسه کسل‌خانه‌لر دارو کم‌لیگی بیلن روپه‌ره دیرلر.»
بیزلرنینگ فیسبوک صحیفه‌میزگه باش اورینگ!
باشقه بیر تاماندن، دولتی کسل‌خانه‌لرده‌گی کسل‌دارلردن قطاری نینگ ایتیشلریچه، کسل‌لرینی درمانلَنیشی اوچون کیرهکلی دارو-دوا و احتیاج سیزیلگن نرسه‌لرنی تشقریدن کیلتیرهدیلر.
کسل‌دارلردن بیری مسعود نینگ سلام وطندارگه ایتیشیچه: «بیر نینگ کسلی میز نینگ ساغیک وضعیتی جوده یامان ایدی و قلبی هم تیشیک دیر دولتی کسلخانه‌ده درمان آستیده قرار تاپگن بخت‌گه قرشی بو ییرگه هیچ قنده‌ی امکانات یوق، کیرهکلی برچه ذات‌لرنی تشقریدن کیلتیره‌میز.»
افغانستانده اسلامی امارت قدرت‌گه ایریشگنیدن کیین ساغلیک بولیم‌لر‌ده هم قیینچیلیکلر کوپه‌یگن و شونینگدک اوشبو قیینچیلیکلر ایچکی و تشقی خواطرلرگه سبب بولگن.
شونده‌ی بیرحالده، خلق‌ارا ساغلیق‌نی سَقلش تشکیلاتی و خلق‌ارا نهاد‌لردن قطاری، مملکت ساغلیک مرکزلردن حمایت قیلیش‌لری خصوصیده تیارگرلیک‌لرینی بیلدیره‌دیلر.
مملکت داکترلردن قطاری نینگ ایتیشلریچه ساغیلق بولیم‌لرگه کیسکین دقت قیلینیب، یاردم بیریلیشی کیره‌ک.
بیزلرنینگ توییترده هم تعقیب قیلینگ!
کابل حوزوی کسلخانه داکترلریدن بیری خالد بشرمل نینگ ایتیشیچه: «حاضرساغلیک خذمت‌لر نینگ یوقلیگی سبب، کسل‌لیکلر سانی کوپه‌یگن و کسل‌خانه‌لرده کسل‌لر کوپ مراجعت قیله‌دیلر. ساغلیک بولیم‌لری دنیا تشکیلات‌لری تامانیدن حمایت قیلینمه‌گن صورت‌ده، فاجعه یوز بیریشی ممکن.»
شونینگدیک بوتوغریده عامه ساغلیک وزیرلیگی نینگ فکرینی آلیش ایسته‌دیک؛ بیراق کوپینچه سعی و حرکت‌لر بیلن موفق بولمه‌دیک.
ایتیش کیره‌ک دیرکه، نیچه مدت‌دن بویان مملکت ساغلیک سکتوری امکانیت آزلیگی بیلن روپه‌رو دیر؛ بیراق حاضرگچه بوتوغریده هیچ قنده‌ی یاردم صورت تاپمه‌گن.
