پاکستان تشقی ایشلر وزیرلیگی نینگ اورین باسری حنا ربانی کهر ییتکچیلیگیده، پاکستان‌لیک بیر هیأت ایرته (سه‌شنبه، ۸ قوس) کابل گه کیلیشی کوتیله‌دی.
پاکستان میدیالری اوشبو مملکت نینگ دیپلوماتیک منبع‌لریدن نقل قیلیب ایتیشلریچه، پاکستان نینگ مخصوص نماینده‌سی محمدصادق خان و برچه وزارتخانه‌لر رسمی‌لری اینیقسه مالیه وزیری، اوشبو سفر ده حنا ربانی‌نی همراه‌لیک قیله‌دیلر.
بیزلرنینگ فیسبوک صحیفه‌میزگه باش اورینگ!
دی‌نیوز نینگ یازیشیچه، حنا ربانی کابل ده اسلام امیرلیگی تشقی ایشلر وزیرلیگی نینگ سرپرستی امیرخان متقی بیلن اوچره‌شیشی ممکن.
اوشبو اوچره‌شووده، ایکی مملکت نینگ مناسبت‌لری، ایریم ساحه‌لرده همکارلیک قیلیش و باشقه تورلی موضوع‌لر حقیده بحث ایتیلیشی کوتیله‌دی.
بیزلرنینگ توییترده هم تعقیب قیلینگ!
پاکستان هیأتی، اسلام امیرلیگی نینگ باش وزیری محمدحسن آخوند بیلن هم اوچره‌شووی کوتیله‌دی.
حنا ربانی بیرینچی مراتبه ۲۰۱۲_ییلی پاکستان تشقی ایشلر وزیری ایدی کابل گه سفر قیلیب و افغانستان نینگ سابق جمهور باشلیغی حامد کرزی بیلن اوچره‌شدی.
