بوگون (شنبه، ۴- دلو) ساغلیک وزیرلیگی نینگ اعلام قیلیشیچه، اوتگن ۲۴ ساعت ده کرونا ویروس گه شبهه‌لی ۸۸۲ واقعه تیکشیریلگن، کیم بولردن ۳۶ ته‌سی ایجابی انیق‌لنگن.
ساغلیک وزیرلیگی نینگ گزارشی گه کوره، اوتگن بیر کیچه‌وکوندوز ده کرونا گه چلینگن ۵ کسل جان بیرگن و شونینگدیک ۳۱ کسل دارولنگن.
ساغلیک وزیرلیگی نینگ معلوماتی اساسیده، مملکتده حاضرگچه ۵۴ مینگ و ۵۹۵ کیشی کرونا ویروس گه چلینگن، کیم بولردن ۲ مینگ و ۳۷۸ ته‌سی جان بیرگن و باشقه ۴۶ مینگ ۹۴۳ ته‌سی ایسه قیته دارولنگن.
ساغلیک وزیرلیگی گه کوره، مملکتده حاضرگچه کرونا ویروس گه شبهه‌لی ۲۳۷ مینگ و ۱۸۵ واقعه تیکشیریلگن.
دنیا ده حاضرگه‌قدر ۹۸ میلیون و ۷۸۷ مینگ دن آرتیق کیشی کروناگه چلینگن کیم بولردن ۲ میلیون و ۱۱۷ مینگ دن آرتیغی جان بیرگن و ۷۰ میلیون و ۹۹۴ مینگ دن آرتیغی ایسه دارولنگن.
کرونا ویروسی نینگ کوپینچه ایجابی واقعه‌لری آمریکا، هند، برزیل، انگلستان و روسیه مملکت‌لریده قید ایتیلگن.
