خلق‌ارا قیزیل خاچ کمیته‌سی افغانستانده ساغلیک سکتورلر وضعیتی نینگ قنده‌ی‌لیگی توغریسیده خواطر بیلدیریب ایتیشیچه، مذکور تیزیم نینگ نابود بولمه‌یشی اوچون انسان دوستلیک سعی و حرکتلر ییترلی ایمس.
افغانستان ده قیزیل خاچ کمیته باشلیغی ایلوی فیلیون اوتگن کون (جمعه، ۱۵-دلو) توییتری‌ده یازیشیچه، افغانستانده ساغلیک خذمتلر نینگ ارایه قیلووچی نهادلردن قطاری، بودیجه کم‌لیگی باعث، فعالیتلری توخته‌گن و یشاوچیلر نینگ ساغلیک خذمتلر گه قول تاپیشلری نی کمه‌یتیرگن.
بیزلرنینگ فیسبوک صحیفه‌میزگه باش اورینگ!
خلق ارا قیزیل خاچ کمیته رئیسی نینگ اورغولشیچه، بو نهاد افغانستان ساغلیک تیزیمی نابود بولمه‌یشی اوچون سعی و حرکت قیله‌دی. اونینگ کوپه‌یتیریشیچه، انسان دوستلیک سعی و حرکتلر افعانستان ساغلیک نیازلری نینگ برطرف قیلیش اوچون ییترلی ایمس و دنیا بو توغریده سرمایه یاتقیزیشی کیره‌ک.
عین حالده، ساغلیق‌نی سقلش وزیرلیگی نینگ سوزلاوچیسی جاوید هژیر، خلق‌ارا قیزیل خاچ کمیته‌سی نینگ سعی و حرکتی نی خوش قرشی‌لب، بیراق اونینگ ییترلی ایمس دیگن.
هژیر نینگ سلام‌وطندار گه ایتیشیچه: «اوتمیش‌ده افغانستان ساغلیک تیزیمی باغلیق بیر تیزیم اوله‌راق توزه‌لگن ایدی، انه شو سبب بوتوغریده‌گی یاردم‌لر بیراز یخشی دیر، لیکن حاضر اوچون ییترلی ایمس؛ چون افغانستان اسلامی امارت و ساغلیک سکتوری اوزینی اوزی تامینله‌یشی گه قدر، ملی و خلق‌ارا یاردم‌لر گه نیازی بار.»
بیزلرنینگ فیسبوک صحیفه‌میزگه باش اورینگ!
شونینگدیک بوندن آلدین هم، خلق‌ارا نهادلر افغانستان ساغلیک تیزیمی قوللشی‌دن خواطر بیلدیرگن ایدی. خلق‌ارا نجات کمیته‌سی، بیر گزارش ترقه‌تیب ایتیشیچه، افغانستان ساغلیک تیزیمی یوق بولیش عرفه سیده قرار تاپگن و بو مملکت‌ده ساغلیک مرکزلردن ۹۰ فایزیدن آرتیغی نینگ باغلنیشی ممکن.
