پکتیکا ولایتی گیان تومنی ساغلیک مرکزی توییب آوقاتلنمسلیک بولیمی مسئوللری نینگ ایتیشلریچه، مذکور تومن نینگ ساغلیک مرکزی گه هر کونی توییب آوقاتلنمسلیککه چلینگن حامله عیاللر و بالهلر شامل ۳۰ دن آرتیق کسل مراجعت قیلهدی. اولر گه کوره، اوتگن ییلی گیان تومنیده یوز بیرگن زلزله دن کیین کوپ سانده عایلهلر بار_یوقلرینی قولدن بیرگن و حاضر کمبغللیک و اقتصادی قیینچیلیک باعث عیاللر و بالهلری توییب آوقاتلنمسلیککه چلینگن.
گیان تومنی ساغلیک مرکزی توییب آقاتلنمسلیک بولیمی مسئولی مینا نینگ سلاموطندار گه ایتیشیچه: «هر کونی توییب آوقاتلنمسلیککه چلینگن ۱۰ و ۳۰ کسل اوشبو مرکز گه مراجعت قیلهدی، اولر آرهسیده آغیر، یریم آغیر و جوده آغیر کسللر بار. اولر نینگ اکثریتی قیزلر و یاش عیاللر، حامله عیاللر و بالهلر دیر.»
بیزلرنینگ فیسبوک صحیفهمیزگه باش اورینگ!
عینحالده، گیان تومنی یشاوچیلری گه کوره، کمبغللیک و اقتصادی قیینچیلیک باعث بالهلری توییب آوقاتلنمسلیککه چلینگن.
گیان تومنی یشاوچیسی ولیمرجان نینگ ایتیشیچه، اوتگن ییلی زلزله طفیلی آنهلری وفات ایتگن بالهلر کوپراق توییب آوقاتلنمسلیککه چلینگن. او نینگ کوپهیتیریشیچه: «احواللری یخشی ایمس اولر گه سیگیر و ایچکی سوتینی بیریشهدی. تورلی کسللیککه چلینگنلر. بیز گه یاردم بیرسینلر؛ بیراق حاضرگچه بیز گه یاردم کورسه تیلمهگن.»
گیان تومنی یشاوچیلریدن باشقه بیری علمالدین گه کوره، توییب آوقاتلنمسلیککه علاوه، ایسیق اولرنی قیینچیلیک بیلن دوچ قیلگن. «بو ییرده کوپ سانده بالهلر توییب آوقاتلنمسلیکه چلینگن. کمچیلیک کوپ. بیز گه یاردم بیریلیشینی ایستهیمیز. بیز امیدسیز بولگنمیز.»
گیان تومنی یشاوچیلری گه کوره، ایچیملیک سوو یوقلیگی باعث کوپراق بالهلر «وبا» کسللیگیگه چلینگن. اولر نینگ ایتیشلریچه، مذکور تومندهگی ساغلیک مرکز کیچیک دیر شونی اوچون برچه کسللرنی دارو_دوالب و قبول قیله آلمهیدی.
شو بیلن بیرگه، گیان تومنی ساغلیک مرکزی مسئولی فضلالرحمان وزیر اوشبو موضوع نی تصدیقلب ایتیشیچه، اوشبو تومن نینگ نفوسی گه قرهگنده ساغلیک مرکزی کیچیک دیر و برچه کسللرنی وقتیده دارو_دوالهی آلمهیدی.
بیزلرنینگ توییترده هم تعقیب قیلینگ!
او نینگ کوپهیتیریشیچه، هر کونی گیان ساغلیک مرکزی گه تورلی کسللیککه چلینگن ۱۲۰ دن آرتیق کسل مراجعت قیلسه ده؛ لیکن بو مرکز کوپ سانده کسللرنی دارو_دوالهی آلمهیدی. «حاضر هوا ایسیق بولگن، ایچکیتمه و بوغزی آغریق کسللر سانی کوپهیگن. اوشبو کسللیکلر گه چلینگنلر سانی کوپهیش اصلی سببی، طبی قاعده رعایت ایتیلمسلیگی و ایچیملیک سوو یوقلیگی دیر.»
گیان، پکتیکا ولایتی نینگ اوزاق و تاغلی تومنلریدن بولیب یشاوچیلری اینیقسه بالهلر، یخشی توییب آوقاتلنمسلیک باعث، توییب آوقاتلنمسلیک کسللیگیگه چلینگنلر.