افغان_جاپان کسلخانه‌سی مسئوللری، مملکت ده کرونا ویروس ینگی تولقینی ییره‌لیشیدن خبر بیریب ایتیشلریچه، اوشبو دورده‌گی بیمارلر نینگ احوالی آغیر دیر و اولر آره‌سیده باله‌لر هم شامل دیر.
افغان_جاپان کسلخانه‌سی جدی مراقبت‌لر مسئولی شیرین‌آغا ناصری گه کوره، اوشبو دور کرونا گه چلینگن‌لردن قریب ۶۰ فایزینی، اوتمیش ده کرونا ویروس گه چلینگن‌لر تشکیل بیره‌دی.
او نینگ کوپه‌یتیریشیچه: «تأسف بیلن هییت دن کیین کسلخانه ده کسل‌لر سانی کوپه‌یگن، اوتگن کون قریب ۸۵ کیشی مراجعت قیلدی، ۲۲ کیشی نینگ نتیجه‌سی مثبت چیققن، ۶۰ فایزی اوتمیش ده کرونا گه چلینگن بیمارلر دیر و ۴۰ فایزی ینگی‌لیکده کرونا گه چلینگن، هر کون تخمیناً ایکی فایز و ۳ فایزی وفات ایته‌دی.»
بیزلرنینگ فیسبوک صحیفه‌میزگه باش اورینگ!
باشقه تاماندن، افغان_جاپان کسلخانه‌سی نینگ جدی مراقبت‌لر بولیمی مسئولی انعام‌الله رحمتی، مذکور کسلخانه نینگ جدی مراقبت‌لر بولیمیده کرونا ینگی تولقینی گه چلینگن بیمارلر مراجعتی کوپه‌یگنیدن خبر بیره‌دی.
او نینگ ایتیشیچه: «سابق ۴ و ۵ بیمار بستری ایدی، حاضر ۱۰ و ۱۲ بیمار بستر دیر، طبی قاعده‌لر اساسیده بیمار کیشی یا که کیکسه کیشی گوجوم مکان‌لر گه بارمسلیگی کیره‌ک، و واکسین قیلیش حتمی دیر.»
کرونا گه چلینیب افغان_جاپان کسلخانه‌سیده یاتقیزیلگن کسل‌لر، اوتمیش ییل‌لر گه نسبتن احوال‌لری آغیرلیگینی تصدیقله‌یدیلر.
مذکور کسلخانه نینگ جدی مراقبت‌لر بولیمیده اون کوندن بویان بستری بولگن رحمت‌خان گه کوره: «قریب ۸ کوندن بیری بستری من، اول اوزیم هم سیزمه‌گندیم جمهوریت کسلخانه‌سیگه مراجعت قیلیب تیکشیردیم، کیین ایسه مینی بو ییر گه یوللـه‌دیلر، کوپ یوتل‌لر ایدیم.»
کرونا ینگی تولقینی گه، نه‌فقط یاش‌لر و کیکسه‌لر چلینگن بلکه باله‌لر هم امان قالمه‌گن.
کرونا ویروس گه چلینیب و افغان_جاپان کسلخانه‌سیده بستری بولگن ۱۲ یاشر مریم نینگ ایتیشیچه: «۲۰ کون بوله‌دی بستری من، یوتل و بوغیزیم آغریدی، کوپ یوتل‌لر ایدیم، حاضر احوالیم نسبتن یخشی لیکن یوتلیم یخشی بولگن یوق.»
ساغلیق‌نی سقلش وزیرلیگی رسمی‌لری، کرونا ویروس ینگی تولقینی ییره‌لیشیدن آگاه‌لنتیریب ایتیشلریچه، یالغیز سونگی ۴ آی ده کرونا ویروس گه چلینگن ۳ مینگ کیشینی ثبت ایتگنلر.
بیزلرنینگ توییترده هم تعقیب قیلینگ!
ساغلیق‌نی سقلش وزیرلیگی سوزلاوچیسی شرافت زمان گه کوره: «۲۰۲۳_ییل نینگ سونگی اوچ_تورت آیی ده بیمارلر سانی آشگن. ۲۰۲۲_ییل گه نسبتن بیمارلر سانی کم بولسه ده، بیراق آی‌لیک معلومات اساسیده ایکی یریم مینگ و ۳ مینگ واقعه ثبت ایتیلگن.»
مسئوللر، کرونا ویروس ینگی واقعه‌لری ییره‌لیشیدن عین‌حالده خبر بیرماقده‌لر که، بیرلشگن ملتلر تشکیلاتی نینگ باله‌لردن حمایت قیلووچی صندیغی (یونیسف)، اوتگن کون بیر گزارش ترقه‌تیب مملکت بویلب ۷ میلیون کیشی، کرونا گه قرشی ایمله‌نیش‌لریدن خبر بیرگن.
