ساغلیق‌نی سقلش وزیرلیگی نینگ مسئول‌لری، مملکتده سرطان گه یولیققن‌لر سانی آشیشیدن خبر بیره‌دی. ساغلیق‌نی سقلش وزیرلیگی نینگ سوزلاوچیسی جاوید هژیر گه کوره، میلادی ۲۰۲۱-ییل نینگ ۱۲ آیی‌ده اولکه بویلب ۳۰ مینگ‌دن آرتیق کیشی سرطان گه چلینگن، عین‌حالده بو رقم اوشبو ییل نینگ دستلبکی ۴ آی‌ده ۱۳ مینگ ۵۰۰ کیشی گه ییتیشگن.
شو بیلن بیرگه، ساغلیق‌نی سقلش وزیرلیگی نینگ معلوماتی اساسیده، اوشبو ییل نینگ بیرینچی تورت آیی‌ده سرطان گه چلینگن‌لر سانی ۲۵ فایز آشگن. باشقه تاماندن جاوید هژیر، اوتگن ییل‌ده سرطان طفیلی اولگن‌لر سانینی ۲۰ مینگ کیشی اعلام قیله‌دی.
بیزلرنینگ فیسبوک صحیفه‌میزگه باش اورینگ!
ساغلیق‌نی سقلش وزیرلیگی نینگ سوزلاوچیسی، اوشبو ییل‌ده سرطان تلفاتی باره‌سیده معلومات بیرمسه‌ده؛ لیکن مذکور وزیرلیک نینگ معلوماتی اساسیده، اوتگن ییل‌ده سرطان گه چلینگن‌لردن ۶۶ فایزی جان بیرگن‌لر.
جاوید هژیر نینگ کوپه‌یتیریشیچه: «اوتگن ۴ آی‌ده چمه‌سی ۱۳۵۰۰ مثبت واقعه رویخط‌گه آلینگن.»
باشقه تاماندن ساغلیق‌نی سقلش وزیرلیگی نینگ سرطان‌نی کنترول قیلیش ملی پروگرام مسئولی، سرطان پتالوژی لابراتواری آچیلیش مراسمیده، خذمت کورسه‌تیش بوییچه قیینچیلیکلری باره‌سیده سوز یوریتدی.
اوشبو پروگرام آمری ذبیح‌الله هاشمی گه کوره، ییترلیچه بودجه یوق‌لیگی، مسلکی متخصص‌لر آزلیگی و درمان اوچون مناسب مکان یوق‌لیگی باعث، سرطان گه چلینگن بیمارلر اساسی روشده دوالنمه‌یدی.
جناب هاشمی نینگ تأکیدلشیچه، طب بولیمیده‌گی قیینچیلیک باعث، سرطان گه چلینگن بیمارلر درمان اوچون چیت ایل مملکت‌لر گه باریش گه مجبور بولگن‌لر.
بیزلرنینگ توییترده هم تعقیب قیلینگ!
برچه‌سی بیلن، خلق‌ارا ساغلیق‌نی سقلش تشکیلاتی نینگ معلوماتی اساسیده، ییلی‌ده دنیا بویلب تخمیناً ۱۹ میلیون کیشی سرطان گه چلینه‌دی و اولر ارا قریب ۱۰ میلیون کیشی اوز جان‌لرینی قولدن بیره‌دیلر.
تنباکو دودی، غیر صحی ماده‌لردن فایده‌لنیش و هوا دغل‌لیگی، سرطان گه چلینیش اصلی عاملی دییلگن.
