ساغلیک نی سقلش وزیرلیگی نینگ خذمتلر ارایه قیلووچی معینی عبدالباری عمر، بوگون کابل‌ده خبری بیر ییغینده ایتیشیچه، سرطان نی درمان‌لش اوچون حاضرگی امکانیت ییترلی ایمس و اولر پایتخت و مملکت حوزه‌لریده بو کسل‌لیک نی درمان‌لش اوچون تخصصی و معیاری کسل‌خانه‌لر قوره‌دیلر.
ساغلیک وزیرلیگ نینگ ساغلیک خذمتلر ارایه قیلووچی معینی نینگ کوپه‌یتیریشیچه، مذکور کسل‌خانه‌لرنینگ قوریش اوچون، قطار مملکتلر بیلن سوزلشوولر باشلنگن. اونگه کوره، حاضر یشاوچی‌لردن قطاری سرطان کسل‌لیگی نی درمان‌لش اوچون ولایت‌لردن کابل و نهایتده مملکتدن تشقی کیتیش گه زورلنه‌دی؛ بیراق اوشبو کسل‌خانه‌لرنینگ قوریلیشی بیلن سرطان گه چلینگن کسل‌لرنینگ قیین‌چیلیک‌لری حل بولیشی ممکن.
بیزلرنینگ فیسبوک صحیفه‌میزگه باش اورینگ!
باشقه بیر تاماندن، عبدالباری عمر روانی کسل‌لیکلرگه اشاره قیلیب کوپه‌یتیریشیچه، ۴۰ ییل اوروش، مملکت یشاوچی‌لریدن قطاری نی روانی کسل‌لیکلر گه چلینتیرگن که اولرنینگ درمان گه احتیاج‌لری بار. اونگه کوره، حاضرگی امکانیت روانی کسل‌لرگه قره‌گنده آز دیر و اولر روانی کسل‌لرنینگ درمان‌لش اوچون مرکز و ولایت کسل‌خانه‌لریده متخصص داکترلرنی کوپه‌یتیریش گه سعی و حرکت قیله‌دیلر.
شونینگدیک ساغلیک نی سقلش وزیرلیگی نینگ ساغلیک خذمتلر ارایه‌قیلووچی معینی نینگ ایتیشیچه، ولایتی کسل‌خانه‌لرنینگ معیاری بولیشی و کسل‌لر درمان اوچون باشقه ولایت‌لرگه سفر قیلیش گه مجبور بولمه‌یشلری اوچون، اولر بیر ریجه اوستیده ایش قیلیب کیلماقده‌لر.
