قندوز حوزوی کسلخانهسی ۲۰۰ یاتاق بیلن، مملکت شمال شرقیده کسللرنی دارولهیدیگن کتته دارولش مرکزی سنلهدی. ینگیلیکده کوز عملیاتلری اوچون بیر زمانوی دارولش مرکزی قطر هلالاحمر نهادی تامانیدن مذکور کسلخانهده، موقتی شکلده آچیلگن.
قندوز حوزوی کسلخانهسیده کوز عملیاتلرینی دارولش مرکز مسئولی دکتر محمدعزیز پیوستون نینگ ایتیشیچه، اولر تیملری بیلن نیچه کوندن بویان بو ولایتده کوز کسللری اوچون فعالیتلرینی باشلهگن.
جناب پیوستون نینگ کوپهیتیریشیچه، کوز قیینچلیکلری بولگن کیشیلر هر کون تخار، بدخشان و بغلان دن دارولش و عملیات اوچون بو مرکز ده کیلهدی. اونگه کوره، بو بولیمده ساغلیک تیم حاضرگچه ۱۴۶ کسل نینگ قیینچلیکلرینی حل قیلگن.
عین حالده، کسللر و اولرنینگ پایوازلریدن قطاری قطر نینگ هلالاحمری نی اوشبو اقدامی دن خرسندلیک بیلدیریب و ایتیشلریچه، سونگی پیتلرده کسللرنینگ قیینچلیکلرینی حل ایتیش اوچون، ساغلیک مسئوللری نینگ توجهلری کوپهیگن.
بیزلرنینگ فیسبوک صحیفهمیزگه باش اورینگ!
اولرنینگ کوپهیتیریشلریچه، کسللرینی هیچ بیر پول بیرمسدن و مجانی شکلده بو کسلخانهده دارولهیدیلر و شونینگدیک تانیش و واسطهلری هم یوق دیر.
عین حالده، قندوز ساغلیک ریاست مسئوللری نینگ ایتیشلریچه، بو ولایت حوزوی کسلخانهسی و باشقه کسلخانهلرده اهالی نینگ اقتصادی قیینچلیکلری باعث برچه ساغلیک خذمتلر مجانی شکلده ارایه قیلینهدی.
قندوز ساغلیک ریاست باشلیغی محمدانور بشیر نینگ ایتیشیچه، اولر چیتایللیک نهادلرنینگ اویغونلیگی بیلن اهالی گه یخشی خذمت ترقهتیش اوچون سعی و حرکت قیلماقدهلر. «قندوز حوزوی کسلخانهسی و کلینیکلر ۲۴ ساعت کسللرنینگ یوزیگه آچیق دیر و قطر نینگ هلالاحمری تامانیدن آچیلگن مرکز، ایکی آی گچه قندوز ده کوز کسللرنینگ دارولش اوچون خذمت قیلیب و کوز عملیاتلرینی هم انجام بیرهدی.»
حاضر قندوز حوزوی کسلخانهسیده ۲۸ متخصص شامل کمیده ۴۰۰ ساغلیک ایشلاوچیلری تورلی بولیملرده خذمت ارایه قیلیب کیلماقدهلر.