اوتگن ییل‌لر کبی، بو ییل هم قندوز ده «شهیدی لیلامی ساتیلهدیگن بازاری» قیش موسومی ییتیب کیلیشی بیلن رواجلنگن دیر. مذکور لیلامی ساتیلهدیگن بازار‌ده تیریلگن رنگ-برنگ کییم‌لر، اوتیب-قیته‌دیگن نینگ اوزیگه تارتیب و مذکور کییم-کیچکلر نینگ ساتیب آلینیشی گه سبب بوله‌دی.
قندوز ده لیلامی ساته‌دیگنلردن بیری احمدسیر نینگ سلام‌وطندار گه ایتیشیچه، قیش موسومی ییتیب کیلیشی و هوا نینگ ساووق بولیشی بیلن، مذکور ولایت‌ده لیلامی کییم-کیچک ساتیلهدیگن بازار رواجلنه‌دی. اونگه کوره، اولر اوشبو لیلامی کییم‌لر نی چین و پاکستان مملکت‌لریدن وارد قیله‌دیلر.
بیزلرنینگ فیسبوک صحیفه‌میزگه باش اورینگ!
احمدسیر نینگ کوپه‌یتیریشیچه: «بو ییرده باله‌لر، کیکسه‌لر، عیال‌لر و ایرکک‌لر گه کییم بار. بو ییرده هر رقم کییم بار. بو لیلامی نرسه‌لر حقیقت‌ده اروپایی و چینایی توارلر دیر که پاکستان‌دن وارد قیله‌میز.»
قندوز ده لیلامی ساته‌دیگنلردن باشقه بیری عبدالواحد نینگ ایتیشیچه، باشقه موسوم‌لرده هم لیلامی کییم‌لر ساتیله‌دی؛ بیراق قیش موسومی‌ده ساتیش کوپه‌یه‌دی.
اونینگ کوپه‌یتیریشیچه: «لیلامی کییم نینگ بیر بوجی‌سیده، ۱۰ رقم توار بوله‌دی. بیر قطاری ایسه دکان‌ده‌گی نرسه‌لردن یخشی‌راق. بازار گه قره‌گنده قیمتی آز و کیفیتی یوقاری دیر.»
قندوز یشاوچیلریدن قطاری نینگ ایتیشلریچه، اولر آز قیمت بیلن نیازلری بولگن نرسه‌لر نی ساتیب آله‌دیلر که، دکان‌ده‌گی کییم‌لر گه قره‌گنده ارزان‌راق و یخشی دیر. اولر گه کوره، لیلامی کییم‌لر دوام‌لی و کیفیت‌لی، انه شوو سبب کوپینچه اهالی لیلامی کییم ساتیب آلیش گه قیزیققن دیر.
بیزلرنینگ «ایکس» ترماغی ده هم تعقیب قیلینگ!
قندوز یشاوچیلریدن سیف‌الرحمان نینگ ایتیشیچه، دکان‌دن کیفیت‌سیز بیر کییم ساتیب آلیش اورنیده، مذکور پول بیلن لیلامی‌دن نیچه کیفیت‌لی کییم ساتیب آلاله‌دیلر.
اونینگ کوپه‌یتیریشیچه: «لیلامی‌دن ساتیب آلهدیگنیمیز جمپر، دکان‌دن ساتیب آلهدیگنیمیز کوپینچه جمپردن یخشی دیر. دکان‌دن ساتیب آلهدیگنیمیز جمپر نی اوچ-تورت آی‌دن کوپراق قوللنه آلمه‌یمیز، بیراق لیلامی‌دن ساتیب آلگنی‌میز جمپر نی دوام‌لی شکلده قوللنه آله‌میز.»
شونده‌ی بیرحالده، شفاکارلر نینگ ایتیشلریچه، لیلامی کییم-کیچک نینگ قوللنیش‌دن آلدین، لیلامی کییم نینگ یخشی بیر شکلده یوویلیشی کیره‌ک.
