خلق‌ارا ساغلیق‌نی سقلش تشکیلاتی، ۱۹۹۸-ییل بیرینچی دسمبر نی «خلق‌ارا ایدز کسلی گه قرشی کوره‌ش» کونی اوله‌راق تنله‌گن. هر ییلی اوشبو کوندن، ایدز کسلی گه قرشی کوره‌ش و بو توغریده آگاهی‌لیک بیریش مقصدیده نشانلنه‌دی؛ بیراق افغانستان ده نیچه کون اوتیشیدن کیین بوکوندن نشانلنه‌دی.
ساغلیق‌نی سقلش وزیرلیگی نینگ مالی و اداری معینی محمداسحاق صاحب‌زاده، بوگون (یکشنبه، ۱۲-قوس)، «خلق‌ارا ایدز کسلی گه قرشی کوره‌ش» کونیدن نشانلش مناسبتی بیلن اوتکزیلگن ییغیلیش ده ایتیشیچه، اولکه ده ایدز کسلی گه چلینگنلر سانی کمه‌یگن.
بیزلرنینگ فیسبوک صحیفه‌میزگه باش اورینگ!
او نینگ کوپه‌یتیریشیچه: «مملکت ده ایدز کسلی کمه‌یگن، خلق‌ارا نهادلردن ساغلیق بولیمیده همکارلیک قیلیشنی ایسته‌یمیز، بو وزیرلیک مملکت ده ایدز کسلینی یوق ایتیش اوچون تلاش قیلماقده.»
ساغلیق‌نی سقلش وزیرلیگی مسئوللری گه کوره، میلادی اوشبو ییل ده مملکت ده ۱۸۳ ایدز مثبت واقعه‌سی قید ایتیلگن، اوتگن ییل‌لر گه نسبتن کمه‌یشنی کورسته‌دی.
ساغلیق‌نی سقلش وزیرلیگی نینگ تشقی مناسبت‌لر ایشلری بوییچه باشلیغی محمدداوود منصوری نینگ ایتیشیچه، حاضر مملکت ده ۱۲ مینگ کیشی ایدز کسلی گه چلینگن، اولر ارا ۱۱ مینگ ۱۶۲ کیشی دوالنماقده دیر.
او نینگ کوپه‌یتیریشیچه: «افغانستان ده ایدز کسلی کمه‌یگن و افغانستان یشاوچیلری نینگ ۰.۱ فایزی ایدز گه چلینگن، خلق‌ارا ساغلیق‌نی سقلش تشکیلاتی نینگ معلوماتی اساسیده، اولکه ده ۱۲ مینگ کیشی بو کسل گه چلینگن.»
عین‌حالده، ایدز کسلی گه چلینگن یشاوچیلردن بیری عبدل‌شاه، اولکه یشاوچیلریدن طبی قاعده‌لرنی جدی روشده رعایت ایتیش‌لرینی سوره‌یدی.
اونگه کوره: «یشاوچیلردن، طبی قاعده‌لرنی رعایت قیلیب و یشاوچیلردن فاصله آلیش‌لرینی ایسته‌یمیز.»
بیزلرنینگ «ایکس» ترماغی ده هم تعقیب قیلینگ!
شفاکارلردن بیرقطاری نینگ ایتیشلریچه، بو کسل‌لیک جنسی علاقه، کسل قانی یا که کسل قانی گه افلاسلنگن نرسه و آنه سوتی آرقه‌لی چقه‌لاققه انتقال تاپه‌دی.
ساغلیق‌نی سقلش وزیرلیگی ده ایدز کسلی شفاکارلریدن مل‌یار کلیم‌زی گه کوره: «کوپ سانده معتادلر تنه‌لریده ایگنه اوره‌دیلر و بیر ایگنه‌نی بیر کیشی گه اوریش اوچون تلاش قیله‌یپمیز، ایدز گه چلینگنلر تیزلیک بیلن دوالنیش‌لری کیره‌ک.»
خلق‌ارا ساغلیق‌نی سقلش تشکیلاتی نینگ معلوماتی اساسیده، دنیا بویلب هر کونی ۱۷ مینگ کیشی ایدز کسلی گه چلینه‌دی و اولر نینگ اکثریتی اوشبو کسل‌لیک دن آگاه‌سیزلیک اوچون قربان بوله‌دیلر.
