ساغلیق‌نی سقلش وزیرلیگی مسوول‌لری نینگ ایتیش‌لریچه، میلادی ۲۰۲۰- ییلده افغانستان بوییچه کمیده ۵۰ مینگ کیشی توبرکلوز کسل‌لیگی‌گه چلینگن.
ساغلیق‌نی سقلش وزیرلیگی سرپرستی وحید مجروح نینگ ایتیشیچه، توبرکلوز کسل‌لیگی‌گه چلینگنلردن ۹ مینگ و ۸۰۰ ته‌سی دنیا دن اوتگن.
ساغلیق‌نی سقلش وزیرلیگی سرپرستی‌گه کوره، کرونا ویروسی نینگ چیقیشی توبرکلوز کسل‌لیگی‌گه قرشی کوره‌ش خصوصیده سلبی تاثیر قویگن و انه‌شو سبب، بو کسل‌لیککه چلینگنلردن کوپ قطاری تشخیص و درمان‌لنمه‌گن.
جناب مجروح نینگ کوپه‌یتیریشیچه، توبرکلوز کسل‌لیگی‌گه چلینگنلردن کوپراغی‌نی عیال‌لر تشکیل بیره‌دی و بو رقم ۵۷% گه ییتیشه‌دی.
عین‌حالده، توبرکلوزنی توخته‌تیش بوردی باشلیغی سیما سمر نینگ ایتیشیچه، افغانستاندن توبرکلوز نی نابود قیلش اوچون ملی و خلق ارا تعهدلری اونملی دیر و اوشبو کسل‌لیک‌نی نابود و کنترول قیلیش اوچون حمایت‌لرنی دوام تاپیشی کیره‌ک.
دنیا بوییچه ساغلیق‌نی سقلش تشکیلاتی نینگ افغانستانده‌گی مسوول‌لری نینگ ایتیش‌لریچه، افغانستانده کرونا ویروسی کوپه‌یگنی سبب، توبرکلوز کسللیگی حاشیه قرار تاپگن و انه‌شو سبب، ساغلیق خذمت‌لرگه قول تاپیش کمه‌یگن. اوشبو تشکیلات چیت‌ایللیک حمایتچی‌لردن افغانستاندن توبرکلوز کسل‌لیگی‌نی نابود قیلیش اوچون یاردم‌لریگه دوام بیریشلرینی سوره‌گن.
