کابل ده شفاکارلر، بوگون خلق‌ارا دیابت (شکر) کونیدن نشانلش مناسبتی بیلن اوتکزیلگن ییغیلیش ده، مملکت ده دیابت گه چیلینگن‌لر سانی آشکنیدن خواطر بیلدیریب و حکومت مسئوللری اینیقسه ساغلیق‌نی سقلش، معلومات و مدنیت وزیرلیک‌لری همده بلدیه اداره‌سی دن اوشبو کسل‌لیکنی آلدینی آلیش اوچون عملی اقدام قیلیش‌لرینی سوره‌گنلر.
ساغلیق‌نی سقلش وزیرلیگی نینگ تخصص اکمال باشلیغی حیدرخان عمر و اندوکراینولوژی اویوشمه باشلیغی ولی ناصری نینگ ایتیشلریچه، آگهی‌لیک بیریش، وقایه و مصلحت بیلن بو کسل‌لیکنی آلدینی آلیش ممکن.
حیدرحان عمر گه کوره: «بویوک‌لر و بلدیه اداره‌سیدن، یشاوچیلر، آنه‌لر و باله‌لر نینگ سپورت قیلیش اوچون سپورت میدان‌لرینی قوریشنی ایسته‌یمیز.»
ولی ناصری نینگ ایتیشیچه: «جدی و عملی آدیم کوتاریش کیره‌ک، بو یالغیز شعار بیلن بولمه‌یدی، بلدیه اداره‌سی و معلومات و مدنیت وزیرلیگی جمعیت ده نیمه استعمال قیلینیشینی انیقلش‌لری کیره‌ک، دکان‌لر نینگ ۵۰ فایزی ده تورلی خیل ایچیملیک‌لر بار، اولر گه سالیق نی آشیریشی لازم.»
باشقه تاماندن، ساغلیق‌نی سقلش وزیرلیگی نینگ وقایه و کسل‌لیکلرنی کنترول قیلیش عمومی باشلیغی حیدرخان حیدر گه کوره، یشاوچیلر ییگولیک آزیق-آوقت ده برابرلیکنی نظر گه آلمه‌ی و سپورت قیلمسه‌لر، کوپراق دیابت گه چلینیش‌لری ممکن.
او نینگ ایتیشیچه: «مملکت ده هر کونی کسل‌لر کوپه‌یماقده، ساغلیق‌نی سقلش وزیرلیگی و یاردم بیرووچی مؤسسه‌لر بیر ملت نی کنترول قیله آلمه‌یدیلر؛ وقایه خصوصیده دقت قیلینیشی لازم، آگاهی‌لیک بیریلیب و مصلحت‌لر گه دقت قیلیش لازم.»
اوشبو برنامه ده خلق‌ارا ساغلیق‌نی سقلش تشکیلات نماینده‌سی نینگ ایتیشیچه، دنیا بویلب تورت کیشی دن اوچ ته‌سی دیابت گه چلینیش خوفی بیلن دوچ دیر و دیابت گه چلینگن هر ایکی کیشی دن بیرته‌سی، کسللیگی حقیده هیچ آگاهی‌لیگی یوق دیر.
عین‌حالده، دیابت کسلینی دوالش مرکزلر مسئوللری، امکانیت آزلیگی و اوشبو کسل‌لیککه چلینگنلر نینگ اولیمی کوپه‌یشیدن شکایت قیله‌دیلر.
وزیرمحمد اکبرخان کسلخانه‌سی دیابت بولیمی ده شفاکار حسیب‌الله محمدی نینگ ایتیشیچه، بو کسلخانه ده دیابت گه چلینگن کوپ سانده کسل‌لر، دارو یوق‌لیگی طفیلی وفات ایته‌دی.
او نینگ کوپه‌یتیریشیچه: «اساسی قیینچیلیک دیابت کسلینی آلدینی آلیش مرکز یوق‌لیگی دیر؛ بنا یوق‌لیگی باشقه قیینچیلیک، کسل‌لرنی دوالش اوچون دارو یوق، دارو یوق‌لیگی باعث بو کسل‌لیککه چلینگنلر وفات ایته‌دی.»
برچه‌سی بیلن، خلق‌ارا ساغلیق‌نی سقلش تشکیلاتی یینه بیر مرته، دیابت کسلینی کنترول قیلیش بولیمی و بوتوغریده افغانستان ساغلیق‌نی سقلش وزیرلیگی گه یاردم بیریشینی معلوم قیلگن.
