خلق‌ارا قیزیل خاچ کمیته، بیر گزارش ترقه‌تیب ایتیشیچه، افغانستانده ساغلیک مراقبت‌لر گه قول تاپه آلمسلیک حاضرگچه مذکور مملکت یشاوچیلری نینگ اساسی قیینچیلیک لریدن سنله‌دی. اوشبو نهاد گه کوره، افغانستانده ساغلیک مرکزلردن مینگ‌لرچه‌سی باغلنگن یا-ده فعالیتی توخته‌گن.
قیزیل خاچ کمیته نینگ کوپه‌یتیریشیچه، افغانستان یشاوچیلری خصوصی ساغلیک مرکزلر و قوشنی مملکت‌لر‌ده دوالش خرجت‌لرینی تامین قیلیش گه قادر ایمس‌لر.
بیزلرنینگ فیسبوک صحیفه‌میزگه باش اورینگ!
شونینگدیک گزارش‌ده کیلیشیچه، کسل‌لردن قطاری درمان اوچون کوپ قیینچیلیکلرنی تحمل قیله‌دیلر. عین‌حالده، کسل‌لر نینگ عایله اعضالری دوالش و دارو-دوا مصرفینی توللـه‌ی آلمه‌یدیلر و ایریم پیت‌لر بیمارلر ساغلیک مرکزلردن دوالنمسدن رخصت بوله‌دیلر.
قیزیل خاچ نینگ تأکیدلشیچه، بولر گه علاوه، افغانستان کووید۱۹ واکسینی تنقیص لیگی بیلن روپه‌رو دیر. مذکور اداره خلق‌ارا ساغلیق‌نی سقلش تشکیلاتی نینگ گزارشی اساسیده ایتیشیچه، افغانستان نینگ قریب ۱۰ فایز اهالیسی حاضرگچه ایملنمه‌گن.
باشقه تاماندن، افغانستانده پول تنقیص لیگی و بانکی بحران اوشبو مملکت نینگ ساغلیک تیزیمی اوستیگه سلبی تاثیر قیلیب و اولکه یشاوچیلری احتیاج لرینی تأمینله آلمه‌یدیلر.
بیزلرنینگ توییترده هم تعقیب قیلینگ!
قیزیل خاچ خلق‌ارا کمیته‌سی نینگ تأکیدلشیچه، افغانستانده ساغلیک مراقبت‌لر یخشی له‌نیشی و انسان‌لرنی قوتقریش اوچون ایجابی آدیم‌لر کوتاریب و مذکور مملکتده‌گی ۲۸ کسلخانه‌نی قوللب قوتله‌یدی.
بوندن آلدین، قیزیل خاچ تشکیلاتی، یاردم بیروچی گروه‌لر افغانستاندهگی بشری بحران‌نی آلدینی آلالمسلیگیدن آگاه لنتیرگن ایدی. اوشبو کمیته دنیا جماعه‌چیلیگیدن افغانستان یشاوچیلری گه یاردم بیریشینی سوره‌گن ایدی.
