کسل‌لرینی دوالش اوچون پاکستان گه آلیب باره‌دیگن مملکت یشاوچیلریدن بیرقطاری نینگ ایتیشلریچه، ایکّی کوندن بېری تورخم بندری ده پاکستان گه اۉتیشنی کوتماقده‌لر، بیراق پاکستان تامانی اولر گه رخصت بیرمه‌یدی.
اولر، بیر قطار کسل‌لر نینگ احوالی آغیر و پاکستان گه باریش اوچون کوپ قالگن حالده، وفات قیلیش‌لریدن آگاه‌لنتیره‌دیلر.
مملکت یشاوچیلریدن احمد ولی کسلینی پاکستان گه آلیب باریب دوالش اوچون تورخم بندری ده کوتیب تورگن، سرپرست حکومت‌دن بو معما حلی اوچون پاکستان تامانی بیلن مذاکره قیلیشنی اېسته‌یدی.
بیزلرنینگ فیسبوک صحیفه‌میزگه باش اورینگ!
اونینگ ایتیشیچه: «ایکّی کوندن بیری شو ییرده میز؛ هم بیز و هم کسل‌لریمیز عذاب ده. حکومت بوتوغریده دقت قیلیب و بو معمانی حل قیلیش گه امید بیلدیره‌میز.»
تورخم بندری ده کسلی بیلن بیرگه کوتیب تورگنلردن باشقه بیری سمسور گه کوره، کسلی نینگ احوالی آغیر بولسه ده، لېکن تورخم دن اۉتیش گه رخصت بیرمه‌یدیلر.
اونینگ ایتیشیچه، حکومت یشاوچیلر نینگ قیینچیلیگی حلی اوچون دقت قیلمه‌گن حالده، بیر قنچه کسل‌لر چېگره ده وفات قیلیش‌لری ممکن.
سمسور نینگ تاکیدلشیچه: «بو ییرده یوزلب کسل بند قالگن؛ برچه‌سی نینگ ویزه قیینچیلیگی بار؛ پاکستان تورخم بندرینی کسل‌لر یوزی گه یاپگن. بو چېگره تېزلیک بیلن آچیلیش گه امید بیلدیره‌میز.»
بیزلرنینگ «ایکس» ترماغی ده هم تعقیب قیلینگ!
عین‌حالده، ننگرهار محلی مسئوللری گه کوره، پاکستان تامانی بیلن مذاکره قیلیب تورخم بندری ده‌‌گی قیینچیلیک حلی اوچون سعی‌وحرکت قیلماقده‌لر.
ننگرهار معلومات و مدنیت ریاستی نینگ اطلاعات آمری صدیق‌الله قریشی نینگ ایتیشیچه، بوندن آلدین پاسپورت و ویزه‌سیز احوالی آغیر بولگن کسل‌لر گه اۉتیش رخصتی بیریلر اېدی؛ بیراق یک‌شنبه کوندن بیری بو بندر دن اۉتیش اوچون هېچ کیمگه رخصت بیرمه‌یدیلر.
پاکستان حکومتی بوندن آلدین، سوداگرلر و کسل‌لر میلادی اوشبو ییل یکونی‌گه قدر، ویزه‌سیز شکلده پاکستان گه باریش‌لری ممکن دیگن اېدی
