قیزه‌میق یوقوملی کسللیک بولیب و قولی‌لیک بیلن بیر کیشی دن باشقه کیشی گه یوقیب و کوپراق باله‌لر نینگ حیاتینی تهدید قیله‌دی.
ساغلیق‌نی سقلش وزیرلیگی مسئوللری نینگ ایتیشلریچه، اولکه بویلب میلادی اوشبو ییل باشله‌نیشیدن حاضرگچه ۱۶ مینگ قیزه‌میق مثبت واقعه‌سی قید ایتیلگن، اولر ارا ۵ یاشنی تولدیرمه‌گن قریب ۳۰۰ باله قیزه‌میق طفیلی اولگن.
مملکت ساغلیق‌نی سقلش وزیرلیگی سوزلاوچیسی شرافت زمان سلام‌وطندار بیلن اوتکزگن صحبتیده ایتیشیچه، قیزه‌میق کسللیگی رواجلنمسلیگی اوچون، اولکه بویلب قیزه‌میققه قرشی ایملش۱۰ کون‌لیک کمپاینی باشلنگن.
بیزلرنینگ فیسبوک صحیفه‌میزگه باش اورینگ!
شرافت زمان گه کوره: «اهالی مسجدلر، مکتب‌لر و کلینکلر کبی یقین جای‌لر گه باریب ۹ آی‌لیک دن ۵ یاشرگچه بولگن باله‌لرینی قیزه‌میققه قرشی ایملش‌لری ممکن.»
کابل یشاوچیلریدن لاله‌گل، باله‌سینی درمان اوچون اندراگاندی کسلخانه‌سیگه آلیب کیلگن ایتیشیچه، باله‌سی نینگ ایسیتمه، قیزیلچه، یوتل و اشتهاسیزلیگی اوچون شفاکار گه مراجعت قیلگنیدن کیین، قیزه‌میققه چلینگنینی بیلگنلر. اونینگ ایتیشیچه: «بالم ایسیتمه، کوز قیزه‌ریشی، یوتل و اشتهاسیز ایدی کوپ تشویش ده ایدیم، داکتر گه مراجعت قیلدیک، داکتر قیزه‌میققه چلینگن و بستر بولیشی کیره‌ک دیدی.»
شفاکارلر قیزه‌میق کسللیگی ییره‌لیش عاملینی واکسین قیلینمسلیک، ییترلی آزیق_آوقات‌لنمسلیک و تنه معافیتی قویی‌لیگی عنوان قیله‌دیلر.
بیزلرنینگ توییترده هم تعقیب قیلینگ!
اندراگاندی کسلخانه باش شفاکاری اقبال صادق نینگ ایتیشیچه: «اهالی اوز باله‌لرینی اوشبو کسللیککه چلینمسلیگی اوچون واکسین قیلیش‌لری کیره‌ک.»
نیچه آی آلدین بیرلشگن ملت‌لر تشکیلاتی، قیزه‌میققه قرشی واکسین اساسی شکلده تطبیق ایتیلمسلیگی باعث اوشبو کسللیک افغانستان بویلب رواجلنیشی گه سبب بولگنینی ایتگن ایدی.
