اسلامی امارت ساغلیق‌نی سقلش وزیرلیگی، بوگون (یکشنبه، ۱۷ دلو) سرطان گه قرشی کوره‌ش خلق‌ارا کونی مناسبتی بیلن «سرطان کسل‌لرینی دوالش بوشلیگینی تولدیرینگ» عنوانی‌ده ییغین اوتکزدی.
ساغلیق‌نی سقلش وزیرلیگی رسمی‌لری نینگ ایتیشلریچه، افغانستان‌ده ییلی‌ده تخمیناً ۴۰ مینگ کیشی سرطان گه چلینه‌دی که اولردن، قریب ۱۶دن ۲۰بیمار اوز جان‌لرینی قولدن بیره‌دیلر.
عین‌حالده هرات ساغلیق‌نی سقلش مسئول‌لری اوشبو مناسبت بیلن اوتگزگن ییغین لریده، مذکور ولایت بویلب سرطان کسل‌لری آشیشی‌دن خواطر بیلدیریب ایتیشلریچه، سونگی ایکی ییل‌ده سرطان گه چلینگن ۴مینگ ۵۰۰ کیشی هرات حوزه‌وی کسلخانه‌سی سرطان بیمارلرینی دوالش مرکزی‌ده رویخط گه آلینگن.
بیزلرنینگ فیسبوک صحیفه‌میزگه باش اورینگ!
مملکت ساغلیق‌نی سقلش وزیرلیگی نینگ سرطان‌نی کنترول قیلیش ملی دستور حوزه‌وی مسئولی فاروق احمد صدیقی گه کوره، اوشبو ولایتده ایرکک‌لرده مری، معده، شش و پروستات و عیاللرگه ثدیه/ییمچک، رحیم و تخم‌دان سرطانی کوپراق رویخط گه آلینگن.
باشقه تاماندن هرات حوزه‌وی کسلخانه متصدی‌لری نینگ ایتیشلریچه، کونیده ۱۰دن۲۰ سرطان بیماری اوشبو ولایت نینگ حوزه‌وی کسلخانه‌سی گه مراجعت قیله دیلر . لیکن اونگه کوره، بستر، دارو تنقیص لیگی و شفاکار یوق لیگی باعث، برچه کسل‌لرنی دارو-دواله آلمه‌یدیلر.
معده سرطانی گه یولیققن بی‌بی نور، قریب ۱۰آی‌دن بویان هرات حوزه‌وی کسلخانه‌سیده دارو-دوالنماقده سلام وطندارگه ایتیشیچه، اولر کسلخانه‌ده دارو یوق لیگی باعث درمان اوچون باشقه‌لردن پول قرض آلیش‌گه مجبورلر.
سرطان گه چلینگن باشقه کسل‌لردن بیری عبدالخلیل، هرات حوزه‌وی کسلخانه‌سیده دارو یوق‌لیگی و باشقه قولی‌لیک‌لر یوق لیگیدن شکایت قیلیب ایتیشیچه: «بوییرده داکتر، دارو آز دیر باشقه هیچ نرسه یوق، شخصی کلنیک لرگه مراجعت قیله‌میز دارو اوچون بیر هفته یوگیره‌میز که ۱۵مینگ افغانی بولدی.»
هرات ساغلیق‌نی سقلش مسئول‌لری نینگ ایتیشلریچه، اوشبو کسلخانه آچیلیشیدن بویان سرطان گه چلینگن قطار کیشی‌لر ساغه‌لگن و بیرقطار بیمارلر هم کیچ مراجعت قیلگن‌لری سبب قیینچیلیککه روپه‌رو بولگن‌لر.
بیزلرنینگ فیسبوک صحیفه‌میزگه باش اورینگ!
اولر اسلامی امارت متصدی‌لریدن، سرطان کسل‌لرینی درمانلش اوچون جدی دقت قیلیب، دارو تنقیص لیگی علاوه مذکور مرکز نینگ بسترلرینی کوپه‌یتیریش لرینی سوره‌یدیلر.
ساغلیق‌نی سقلش وزیرلیگی مسئول‌لری گه کوره، افغانستان‌ده آغیز و لب، ییمچک، معده، شش، مری عنق رحم سرطان بیمارلری کوپراق موجود، قاوریلگن آزیق-آوقت‌دن فایده‌لنیش، فزیکی فعالیت سیزلیک، تنباکو دن فایده‌لنیش، طبی قاعده‌لرنی رعایت ییتمسلیک و یخشی آوقت‌لنمسلیک اوشبو بیمارلیک رواجله‌نیش عاملی حسابلنه‌دی.
