هرات معلومات و مدنیت باشلیغی احمدالله متقینینگ ایتیشیچه، اوشبو ولایت «دهمهری» قیشلاغی اهالیسیگه قیلینگن آتیشمهده اولگنلر سانی، ۱۱ کیشیگه ییتیشگن.
اونینگ کوپهیتیریشیچه، هرات ولایتی انجیل تومنینینگ دهمهری قیشلاغیده یوز بیرگن بو واقعه یرهدارلریدن ییتی تهسی، آغیر جراحت کوتاریش طفیلی اوشبو ولایت حوزهای کسلخانهسیده جان بیرگن.
متقیگه کوره، واقعه طفیلی یرهلنگن باشقه سکیز کیشی حاضرگچه هرات حوزهای کسلخانهسیده بستری بولیب و اولردن ایکی تهسینینگ احوالی آغیر دیر.
بوندن آلدین هرات معلومات و مدنیت باشلیغی، مذکور ولایتده ناتانیش کیشیلر آرقهلی تینچاهالینینگ اوققه توتیلگنی نتیجهسیده تورت کیشی اولیب و ۱۵ کیشی یرهلنگنینی ایتگن ایدی.
اوتگن کون توشدن کیین، ناتانیش قوراللی کیشیلر آرقهلی انجیل تومنینینگ «دهمهری» قیشلاغی یشاوچیلریدن قطاری اوققه توتیلگن.
