هرات ولایتی زنده‌جان تومنیده سۉنگی آی‌لرده‌گی زلزله‌لردن جبر کورگنلردن بیرقطاری حاضر خیمه‌لر آستیده تېریکچیلیک قیلماقده‌لر، عیاللر آره‌سیده «بوییدن اېریلیش» (سقط جنین) کوپه‌یگن بیرحالده، اولر طبی خذمت‌لردن فایده‌لنه آلمسلیک‌دن شکایت قیله‌دیلر.
اولر گه کوره، بوییدن اېریلیش‌گه قوشیمچه، خیمه‌لر آستیده نورمال ولادت سنتی طرزده عملگه آشیریلیب و اېریم موردلرده آنه‌لر و چقه‌لاق‌لر نینگ اولیمیگه سبب بوله‌دی. زنده‌جان تومنی قیشلاق‌لریدن بیری «سنجاب»، بو قیشلاق نینگ ۹۶۰ دن آرتیق نفوسی بار بیراق بو قیشلاق اهالیسی زلزله‌لردن بېری ساغلیق خذمت‌لردن فایده‌لنه آلمسلیکنی اېته‌دیلر.
بوییدن اېریلیش طفیلی جسمانی احوالی وخیم بولگن ۳۰ یاشر آمنه گه کوره، ساغلیق خذمت‌لردن فایده‌لنه آلمه‌گن بیر پیتده چقه‌لاغینی قولدن بیرگن. اونینگ کوپه‌یتیریشیچه: «تورت آی‌لیک حامله اېدیم؛ اوشبو هفته ایچیده بیش یا که آلتی مراتبه موتر اجاره گه آلیب شفاکار گه باردیم. حاضر فلج بولیپمن؛ یوره آلمه‌ی من؛ باشقه‌لر گه سویه‌نیب موتر گه مینه‌من. کلینیک اوزاق و اېتیشه آلمه‌یمیز.»
بیزلرنینگ فیسبوک صحیفه‌میزگه باش اورینگ!
باشقه تاماندن آرزو، اوشبو قیشلاق‌ده طبی خذمت‌لردن فایده‌لنه آلمسلیگی طفیلی چقه‌لاغی بیلن جان بیرگن بیر عیال نینگ حکایتینی قیله‌دی. اونگه کوره: «اوشه کون بیر عیال خون‌ریزلیک تاپدی و کیچه آلیب حرکت قیلدیک، دریا گه سوو بارلیگی اوچون اۉته آلمه‌دیک، چقه‌لاغی بیلن بیرگه اۉزی هم جان بیردی. حامله‌دار عیاللر قنده‌ی قیلسین؟»
زندجان تومنی یشاوچیسی سیداحمد، طبی خذمت‌لردن فایده‌لنه آلمسلیک باعث چقه‌لاق‌لر و کسللر نینگ اولیمیدن حکایت قیله‌دی. اونینگ ایتیشیچه: «دارو دن فایده‌لنه آلمه‌یمیز؛ بو ییردن وردک‌ها کیلینکی گه باره‌میز؛ او ییرده ۲۹ اوی بار، بو ییرده ۱۶۰ اوی بار کلینیک یوق. او ییرگه باره‌میز و اولر بیزلرگه اونچه‌لیک دقت قیلمه‌یدیلر.»
وردک‌ها قیشلاغی زنده‌جان تومنی نینگ باشقه قیشلاق‌لریدن بولیب و بیر ساغلیق مرکزی بار؛ بیراق اوشبو ساغلیق مرکز نینگ خادم‌لری بو قیشلاق ده عیاللر آره‌سیده بوییدن اېریلیش سانی کوپه‌یشیدن خبر بیره‌دیلر. مذکور قیشلاق ده نسایی-ولادی بولیم شفاکاری نادیه نینگ ایتیشیچه: «کوپ سانده آنه‌لر چقه‌لاق‌لرینی قولدن بیریشه‌دی و حامله‌لیک بیرینچی کون‌لریده کوپراق بوییدن اېریلیش واقعه‌لری کوپ اېدی و هر آی قریب تورت دن بیش بوییدن اېریلیش واقعه گواهی اېدیک.»
بیزلرنینگ «ایکس» ترماغی ده هم تعقیب قیلینگ!
عین‌حالده، هرات ساغلیق‌نی سقلش ریاستی مسئوللری نینگ ایتیشلریچه، اولر طبی خذمت‌لردن فایده‌لنه آلمه‌یدیگن قیشلاق‌لرنی انیقلشگن و موسسه‌لر نینگ یاردمی بیلن اولر نی طبی خذمت بیلن تامینله‌یدیلر.
هرات ساغلیق‌نی سقلش ریاستی اۉرین باسری غلامحمد حنیفی نینگ سلام‌وطندار گه ایتیشیچه: «محروم منطقه‌لرده ساغلیق بوییچه قولی‌لیک کېلتیریش اوچون ساغلیق‌نی سقلش وزیرلیگی نینگ انیق و معین پالیسی بار، بو پالیسی اساسیده هرات ساغلیق‌نی سقلش ریاستی طبی خذمت‌لردن فایده‌لنه آلمه‌یدیگن منطقه‌لر اوچون کمیته تعیین قیلگن.»
ایتیش کېره‌ک، اۉتگن ییل ۱۵ میزان ده هرات ولایتی زنده‌جان تومنیده فاجعه‌لی زلزله عاقبتیده، ۱۰۰۰ دن آرتیق کیشی هلاک بولیب و کوپ سانده یشش اوی‌لر بوزیلگن. زلزله طفیلی جبر کورگنلر حاضرگچه خیمه‌لر آستیده حیات کېچیریب کېلماقده‌لر. اوشبو قیشلاق‌لر یشاوچیلری، زلزله صادر بولیشیدن حاضرگچه بو قیشلاق‌لرده‌گی عیاللر آره‌سیده بوییدن اېریلیش واقعه‌لری سېزیلرلی درجه ده آشگنینی معلوم قیله‌دیلر.
