بدخشان محلی مسئوللری نینگ ایتیشلریچه، اوشبو ولایت نینگ نیچه تومنیده قیزهمیق ییرهلیشی باعث ۷۴ باله جان بیرگن.
بدخشان معلومات و مدنیت باشلیغی معزالدین احمدی نینگ سلام وطندارگه ایتیشیچه، اوشبو کسللیک ایکی آیدن بویان ییرهلگن و حاضر بدخشان مرکزی فیض آباد شهری شامل ۱۰تومنده ترقهلماقده.
جناب احمدی نینگ اورغولشیچه، حاضرگچه هیچ بیر نهاد و موسسه اولر بیلن همکارلیک قیلگنی یوق، بالهلر کوپراق مذکور ولایت نینگ کوف و کوهستان تومنلریده اوشبو بیمارلیک سبب هلاک بولگنلر.
بدخشان معلومات و مدنیت باشلیغی قیزهمیق علایملرینی ایسیتمه، اشتها سیزلیک، بالهلر تیری سیده قاره دانهلر چیقیشی، وزن یوقاتیش و بیهوشلیک عنوان قیلهدی.
بدخشان معلومات و مدنیت باشلیغی نینگ ایتیشیچه، حاضرگچه اوشبو ویروس ییرهلیش سببی انیقلنمهگن، او ساغلیق ساحه سیده ایش آلیب باره یاتگن چیت ایللیک نهادلردن، اوشبو کسللیکنی آلدینی آلیش اوچون اولر بیلن همکارلیک قیلیشگه چارلهیدی.
بیزلرنینگ فیسبوک صحیفهمیزگه باش اورینگ!
بدخشان ولایتی یشاوچیلریدن قطاری، بالهلر آره سیده قیزهمیق کسللیگی ییرهلیشینی خوفلی دیب و اسلامی امارت مسئوللریدن بو توغریده دقت قیلیش لرینی طلب قیلهدیلر.
بدخشانلیکلر نینگ کوپیتیریشیچه، مرکزلری؛ شفاکار و دارو تنقیصلیگی بیلن روپهرو بولگن اوزاق تومنلرده اوشبو بیمارلیک ترقهلگن شونی اوچون تلفات رقمی یوقاری کیتگن.
اولر گه کوره، اوشبو ویروس یوقیشهدی و هر بیر عایلهدن بیر باله قیزهمیققه یولیققن.
بیزلرنینگ فیسبوک صحیفهمیزگه باش اورینگ!
بدخشان یشاوچیلریدن محمد ناظم قاسمی و عبدالباعث حکیمی نینگ ایتیشلریچه، اسلامی امارت مرکزی متصدیلر و همکار موسسهلر فاجعه یوز بیرمسلیگی مقصدیده بو توغریده تیزلیک بیلن دقت قیلیش لری کیرهک.
ساغلیک بولیمی مسئوللری هر ییلی قیزهمیقنی یوق قیلیش اوچون واکسین کمپاین لرینی یولگه تشلهیدیلر، لیکن بدخشاندهگی ساغلیک بوییچه ایش بیلرمانلر قطار تومنلر اوزاق لیگی، بالهلر وقتیده واکسین بولمسلیگی، توییب آوقتلنمسلیک و مذکور تومنلر مرکزلریده دارو تنقیص لیگینی اوشبو بیمارلیک ییرهلیش عاملی عنوان قیلهدیلر.