قندهار ولایتی بوییچه ساغلیقنی سقلش ریاستی مسووللری نینگ ایتیشلریچه، اوتگن ییلگه قرهگنده جاری ییلده هوا ایسیقلیگی، قوروقچیلیک، اوروش و عایلهلرنینگ دقتسیزلیگی سبب، بالهلر کسللیگی کوپهیگن.
قندهار ولایتی کسلخانهسی نینگ بالهلر بولیمی داکتری محمدصدیق نینگ ایتیشیچه، جاری ییل حمل و ثور آییده قندهار شهری و تومنلریدن 6 مینگ و 791 باله اوشبو کسلخانهگه کیلتیریلگن و بو جملهدن 882 تهسی اسهال و یوتل دیر..
اونینگ ایتیشیچه، اوتگن ییل نینگ بیرینچی ایکی آییگه قرهگنده جاری ییل نینگ بیرینچی 2 آییده کسل بالهلرنینگ رقمی 30% کوپهیگن.
کسل بولگن بالهلرنینگ آنهلرینی ایتیشلریچه، هوا ایسیق بولگنی سبب، بالهلرگه قرشی کسللیکلر کوپهیگن.
اولرنینگ ایتیشلریچه، بالهلریدن یخشی شکلده مراقبت قیلینهدی، لیکن حاضرده وضعیتلری یخشیلنمهگن.
ساغلیک مسووللرنینگ ایتیشلریچه، هوا ایسیقلیگی، قوروقچیلیک و بیرقطار تومنلرده اوروش بولگنی سبب، بالهلرگه قرشی کسللیکلر کوپهیگن.
