غرب زونی بوییچه عالملر کینگشی «تینچلیک و آتیش‌کیسین ایسته‌یمیز نامیده بیر ییغین یولگه قوییب امنیتی کوچلر و حاضرگی نظامدن حمایت بیلدیرگن. اوشبو کینگش اعضالری نینگ ایتیش‌لریچه، مملکت نینگ حاضرگی نظامی شرعی و اسلامی دیر و دین عالملر بو نظامدن حمایت بیلدیره‌دی.
بوندن آلدین هرات ولایتیده جایلشگن گازرگاه شریف مسجدی نینگ خطیبی مولوی مجیب‌الرحمان انصاری حاضرگی نظامدن حمایت قیلیش‌نی گناه عنوان قیلیب و اوشبو حکومتدن حمایت بیلدیرگن دین عالملر یهود و نصارا قطاریگه قرار تاپه‌دی دیگن ایدی.
حاضرده غرب زونی بوییچه عالملر کینگشی مجیب‌الرحمان انصاری نینگ صحبت‌لریگه قرشی کیلیب و عالم‌لرنی مملکتده نظم‌سیزلیک ایجاد ایتیلیشی‌گه سبب بولمه‌یشی کیره‌ک دیگن.
اوشبو ییغینده غرب زونی بوییچه عالملر کینگشی باشلیغی مولوی خداداد صالح نینگ دین عالملر آره‌سیده بیرلیک و بیر پارچه‌لیک سقلنیشی اوستیگه تاکید قیلیب ایتیشیچه، امنیتی کوچلرنینگ مسلمان‌لیگی خصوصیده هیچ‌قنده شبهه یوق دیر.
دین عالم‌لردن باشقه بیری قاری محمداقبال عاصم نینگ اوشبو ییغینده ایتیشیچه، غرب حوزه‌سی نینگ عالم‌لری مملکتده بولگن عدالت‌سیزلیک، قیین‌چیلیک و ناتینچلیکلردن آگاه، لیکن نظام نی تخریب قیلمه‌یدی.
عین‌حالده، هرات بیلیم یورتی اوقیتووچی‌لریدن بیری عبدالمجید صمیم نینگ اوشبو ییغینده ایتیشیچه، حاضرگی نظامده بیرقطار کم‌چیلیکلر بار، لیکن نظام نی تخریب قیلمه‌یش کیره‌ک.
