خلقارا ساغلیقنی سقلش تشکیلاتی، آنه سوتیدن آوقتلنیش خلقارا هفتهسی مناسبتی بیلن ایتیشیچه، آنه سوتی چقهلاق اوچون اینگ یخشی آوقتنی تامینلهیدی.
مذکور تشکیلاتنینگ بوگون (۱۰-اسد/۱-اگست، شنبه)، اکس صحیفهسیده یازیشیچه، آنه سوتی بیلن آوقتلنیش چقهلاق میهسینینگ ساغلام رشدی همده یوقمه کسللیکلر برابریده سقلهنیشیگه یاردم بیریب و آنهلرده یورهک کسللیکلری، سرطان تورلری و شکر کسللیگیگه چلینیش خوفینی کمهیتیرهدی.
خلقارا ساغلیقنی سقلش تشکیلاتینینگ کوپهیتیریشیچه، آنه سوتی بیلن ایمیزیشگه سرمایه یاتقیزیلیش، کیلهجک توغریسیده سرمایه یاتقیزیلیش دیر. مذکور تشکیلات مملکتلر، ساغلیقنی سقلش تیزیملری، ایش محللری و عایلهلردن، آنه سوتی بیلن باقیشنینگ قوللب-قوتلنیش زنجیری مستحکملنیشینی سورهگن.
اگست آیینینگ باش هفتهسی، ۱۹۹۲-ییلده خلقارا ساغلیقنی سقلش تشکیلاتی و بیرلشگن ملتلر تشکیلاتینینگ بالهلرنی قوللب-قوتلش صندیغی آرقهلی، آنه سوتی بیلن ایمیزیش فرهنگی رواجلنیشی و چقهلاقلرگه آنهلرنینگ سوت بیریشی اهمیتیگه کوپراق توجه قرهتیلیشی مقصد، آنه سوتیدن آوقتلنیش خلقارا هفتهسی صفتیده ناملنگن.
