خلقارا ساغلیقنی سقلش تشکیلاتی، کونده قریب ۵۰۰۰ کیشینینگ هپاتیت ویروسیگه چلینیشینی معلوم قیلگن.
مذکور تشکیلاتنینگ بوگون (۶-اسد/۲۸-جولای، سهشنبه)، خلقارا هپاتیت کونی مناسبتی بیلن اکس صحیفهسیده یازیشیچه، بو ویروسگه چلینگنلر سانی جودهیم حیرتلنرلی دیر. خلقارا ساغلیقنی سقلش تشکیلاتیگه کوره، ۲۰۲۴-ییلده قریب بیر میلیون ۳۰۰ مینگ کیشی اوزاق مدتلی C و B هپاتیتگه چلینیش طفیلی وفات قیلگنلر.
مذکور تشکیلاتنینگ کوپهیتیریشیچه، هپاتیت ویروسینی اورتهدن کیتگزیش اوچون کیرهکلی اوسکونهلر بولگنی بیلن میلیونلب کیشی اجتماعی سلبی قرهشلر، آز آگاهیلیک، ساغلیقنی سقلش تیزیمیدهگی کمچیلیکلر و برابرسیزلیکلر دوامی سبب، بو بولیمده خذمتلرگه قول تاپیشدن محروم قالهدیلر.
خلقارا ساغلیقنی سقلش تشکیلاتی، مملکتلردن سیاسی تعهدنی کوچهیتیریش، برقرار سرمایه یاتقیزیش و آلدینی آلووچی خذمتلردن عدالتلی فایدهلنیش امکانیتلرینی کینگهیتیریش بیلن هپاتیت ویروسینی اورتهدن کیتگزیش اوچون آدیم آلیشلرینی سورهگن.
هپاتیت کسللیگی، عادتده ویروسی عفونت نتیجهسیده یوز گه کیلهدیگن جگرنینگ التهابلنیشی بولیب، اونینگ اینگ مهم تورلری A، B، C، D و E هپاتیت دیر. اوشبو ویروسنینگ B و C تورلری قاره سریغلمه دیب هم ایتیلهدی.
۲۸-جولای، ۲۰۱۰-ییلده، خلقارا ساغلیقنی سقلش تشکیلاتی آرقهلی هپاتیت ویروسی حقیده آگاهیلیک کوپهیشی، تیزلیکده انیقلنیشی همده بو کسللیک دوالنیشی و آلدی آلینیشی اوچون تشویق قیلیش مقصد، خلقارا هپاتیت کونی صفتیده ناملنگن.
