زابل ده اوتگن ییل گه نسبتن اوشبو ییل ده توییب آوقاتلنمسلیککه چلینگن بالهلر سانی، قریب ۴۰ فایز کوپهیگن.
زابل ساغلیقنی سقلش مسئوللری نینگ ایتیشیچه، مذکور ولایت ده اوشبو قویاش ییل ده بیر مینگ ۳۶۱ باله توییب آوقاتلنمسلیککه چلینگن؛ بو رقم اوتگن ییل ده ۹۸۰ باله گه ییتیشر ایدی.
زابل ولایتی کسلخانه آمری داکتر داوود گه کوره: توییب آوقاتلنمسلیککه چلینگن بالهلر سانی کوپهیگن. بو رقم اوتگن ییل ده ۹۸۰ گه ییتیشر ایدی و اوشبو ییل ده بو رقم بیر مینگ ۳۶۱ باله ییتیشهدی.»
بیزلرنینگ فیسبوک صحیفهمیزگه باش اورینگ!
عینحالده، فرزندلری توییب آوقاتلنمسلیککه چلینگن آنهلردن قطاری، اقتصادی قیینچیلیک نی توییب آوقاتلنمسلیک اصلی عاملی عنوان قیلهدیلر. اولر نینگ ایتیشلریچه، کمبغللیک طفیلی چقهلاقلری نینگ نیازلرینی تأمینلهی آلمهیدیلر.
زابل یشاوچیلریدن فاطمه نینگ سلاموطندار گه ایتیشیچه: «بو قیز سوت دن تویمهیدی. آنهسینی سوتی یوق و شیرخشک ساتیب آلیش توانیمیز یوق. اوچینچی مراتبه دیر که کسلخانه گه بستر قیلهمیز. کسلخانه ده احوالی یخشی بولهدی، بیراق اوی آلیب بارگندن کیین سابق احوال گه توشهدی.»
زابل یشاوچیلریدن باشقه بیری سکینه گه کوره: «بالم باشقه هیچ نرسه ییمهیدی. آنهسینی سوتی آز دیر، برچه آنهلردن اوز چقهلاقلری گه کوپراق دقت قیلیشلرینی سورهی من.»
شو بیلن بیرگه، ایچکی و بالهلر متخصصلریدن قطاری نینگ ایتیشلریچه، چقهلاقلر برابری ده آنهلر نینگ بیفرقلیگی، قشاقلیک و بالهلر گه سوت اورنیده باشقه آوقاتلرنی بیریش، توییب آوقاتلنمسلیککه چلینیش اصلی عامللریدن سنلهدی.
بیزلرنینگ توییترده هم تعقیب قیلینگ!
بوتوغریده بالهلر متخصص وزیری گه کوره: «چقهلاققه آنه سوتی ییترلی بیریلمسه، چقهلاق توییب آوقاتلنمسلیککه چلینهدی. آنهلر بالهلری گه سوت اورنیده باشقه آوقات بیریشهدی. بو ناتوغری دیر. آلتی آی لیککچه آنه سوتی بیریلیشی کیرهک. توییب آوقاتلنمسلیکک سببی اقتصادی قیینچیلیک و بالهلر گه دقتسیزلیک دیر.»
ایتیش کیرهک که، اوتگن بیر ییل ده اولکه بویلب قشاقلر سانی کوپهیشی بیلن، تورلی ولایتلرده بالهلر نینگ توییب آوقاتلنمسلیککه چلینیش رقمی کوپهیگن.