زابل نینگ شاهجوی و خاک افغان تومنلری یشاوچیلری و ساغلیق ایشلاوچیلریدن قطاری نینگ ایتیشلریچه، ساغلیق جهازلر و خذمتلر کملیگی، اوشبو تومنلر یشاوچیلری نینگ قیینچیلیکلر بیلن روپهره قیلیب و حتا ساغلیق وضعیتلری یامان بولگن کسللردن قطاری اوشبو ولایت مرکزی قلات شهری گه ییتیشمهسدن آلدین جان بیرهدیلر.
اولر حکومت و یاردم بیرووچی مؤسسهلردن ینگی ساغلیق مرکزلر توزهتیلیشی، شفاکارلر سانی کوپهیشی و ساغلیق بولیمیدهگی باشقه موجود قیینچیلیکلر نینگ حل قیلینیشی نی ایستهیدیلر.
بیزلرنینگ توییترده هم تعقیب قیلینگ!
خاک افغان تومنی «کاکیران» کسلخانهسیدهگی شفاکارلردن عظیمالدین نظامی نینگ ایتیشیچه: «بو ییرده کسللر و کسلدارلر سانی کوپ دیر؛ چونکه کسلخانه کیچیک و کسللر سانی کوپ دیر. حکومتدن اوزاق تومنلردهگی ساغلیق مرکزلر قیینچیلیگی نینگ حل قیلینیشی نی ایستهیدیلر.»
شونینگدیک شاهجوی تومنی مرکزی کلینیگیدهگی شفاکارلردن عمران نینگ سلاموطندار گه ایتیشیچه: «شاهجوی یانیده، شونینگدیک باشقه تورت تومندن کسللر مذکور کسلخانه گه مراجعت قیلهدیلر. اوشبو کسلخانه نینگ دیاچ بولیشی یا-ده کمیده سیاچسی پلس بولیشی کیرهک؛ چونکه وضعیتلری یامان بولگن کسللر بو ییرده جان بیرهدیلر.»
مذکور تومنلر یشاوچیلری گه کوره، اولر قشاقلیک و ایشسیزلیک سبب، خصوصی کسلخانهلرده کسللری نینگ درمان قیله آلمهیدیلر.
محمدادریس نینگ ایتیشیچه: «بو ییر گه پیاده کیلهمیز و کوپینچه قیینچیلیک بیلن روپهرهمیز. بالهلر زهرلنگن؛ بیراق دارو یوق. هیچ نرسه آلالمهی کیلیش گه مجبورمیز. قشاقلیک سبب کسللر گه بازاردن دارو آلالمهیمیز.»
شونینگدیک غلامرسول نینگ ایتیشیچه: «بو ییرده ۲۰-۲۵ قیشلاق بار و برچه یشاوچی اوشبو کلینیککه کیلهدی. اهالی جودهیم کمبغل و حتا کسللری نی کسلخانه گه کیلتیریش اوچون، نقلیه واسطهلر کوپ قیینچیلیک بیلن تاپیلهدی.»
شوندهی بیرحالده، زابل ساغلیقنی سقلش ریاستی مسئوللری نینگ ایتیشیچه، حکومت بو توغریده اهالی قیینچیلیگی حلی خصوصیده، ۵۶ منطقه نی ساغلیق مرکزلر ایجاد بولیشی اوچون نظر گه آلگن.
بیزلرنینگ فیسبوک صحیفهمیزگه باش اورینگ!
زابل ساغلیقنی سقلش رئیسی میرویس افغان نینگ ایتیشیچه: «سروی بیر تیم یاردمی بیلن، زابل ده ۵۶ منطقه نی نظر گه آلگنلر. مذکور قیینچیلیک حلی اوچون بو موضوع نی برچه یاردم بیرووچیلر، ساغلیقنی سقلش وزیرلیگی و باشقه تیگیشلی مسئوللر بیلن شریک قیلگنمیز. نیچه آی آلدین بیر تیم نی شاهجوی تومنی گه یوباردیک و شونینگدیک سیار بیر تیم هم اولر بیلن کیتگن.»
ایتیش کیرهک که، شاهجوی و خاک افغان تومنلری زابل نینگ تاغلی ایکی تومنی دیر که، یشاوچیلری ساغلیق خذمتلردن فایدهلنه آلمهسلیک قیینچیلیکلری یانیده، شونینگدیک باشقه آسایشتهلیکلردن هم محروملر.