۲۵ عیال شفاکار کوندهلیک رسمی وظیفه گه قوشیمچه، نوبتی (شیفت) طرزده کیچه تاماندن کسلخانهلرده ایشلهیدی ایتیشلریچه، ساغلیق مرکزلرده شفاکار آزلیگی سببلی شیفت ایشلش گه مجبور بولر، اولر گه کوره، بو احوال اولرنی چرچاق و روحی باسیملر گه دوچار قیلگن.
اوشبو عیال شفاکارلرنینگ ۱۵ نفری خصوصی کسلخانهلر و ۱۰ نفری ایسه دولت کسلخانهلریده کیچه شیفتیده ایشلهیدیلر، ایشلری آغیرلیگی جملهدن ضروری اوسکونهلر یوقلیگی، خوفسیزلیک معمالر، چرچاق، اوزاق ایش ساعتلری، کم معاش بیریلیشی و روحی باسیم کبی ایش قیینچیلیکلریدن شکایت قیلهدیلر.
کم معاش و آز امکانیت بیلن ایشلش
دولت کسلخانهلریدن بیریده شفاکار ۲۷ یاشلی زهره، ایریم آسانلیکلر بولگنینی تصدیقلسه-ده، بیراق کم معاش و کیچیکتیریلیب بیریلیشیدن شکایت قیلهدی. او شوندهی دییدی: «کیچه شیفتیده ایشلهی من. بعضی قولیلیکلر و بعضی قیینچیلیکلر بار. معاش کم و وقتیده بیریلمهیدی. کیچه تاماندن یخشی آوقت بیریلمهیدی و اوخلش اوچون مناسب جای هم یوق.»
کابل شهریده رفاه خصوصی کسلخانهسیده خادم ۲۷ یاشلی حلیمه، عایلهسی اونینگ امنیتی حقیده تشویشده ایکنینی بیلدیرهدی. اونگه کوره: «مین عیال اولهراق کیچه تاماندن ایشلهی من، کوپینچه قیینچیلیکلر بیلن دوچ من. کم اوخلهشیمگه قرهمی اوزاق ساعت ایشلهی من، عایلهم امنیت یوقلیگی بارهسیده تشویش قیلهدی.»
شفاکارلرنینگ فکریچه، اکثریت کسلخانهلرده کیچه تاماندن شیفت ایشلاوچیلر اوچون مناسب جای یوق و حتا دستلبکی امکانیتلردن یخشی فایدهلنه آلمهیدیلر، بو معما اولرنینگ ایش باسیمی بیلن دوچ قیلگن.
اجتماعی باسیم و امنیتی معمالر
کابل شهریده دولت کسلخانهلریدن بریده شفاکار ۳۶ یاشلی مروه ملکزاده گه کوره، عایله تامانیدن قوللب-قوتلنمسلیک و جمعیتدهگی بعضی کیشیلرنینگ قاپال معامله قیلیشی، کیچه شیفتیده ایشلش قیینچیلیگینی نیچه برابر آشیرگن. او شوندهی دییدی: «ایش جاییده جسمانی، روحی و اجتماعی قیینچیلیکلر، کم اوخلش و امکانیت آزلیگی بیلن دوچ میز و بو مسئلهدن تشویش قیلهمن.»
کابلده یونیک خصوصی کسلخانهده کیچه تامان شیفتیده ایشلاوچی ۳۰ یاشلی سمیرانینگ ایتیشیچه، کسلخانه یونهلیشیدهگی اینیقسه کیچه ساعتلریده قیینچیلیک سببلی، نیچه مراتبه وظیفهنی ترک ایتیش گه مجبور بولهگنینی ایتهدی. او شوندهی دییدی: «کیچه شیفتیده امنیت یوقلیگی، چرچاق و امکانیت آزلیگی بیلن روپهره من. شو بیلن بیرگه، کیچهده ایشلاوچیلر آزلیگی سببلی ایش باسیمی آرتهدی.»
کابل شهریده دولت کسلخانهلریدن بیریده شفاکار ۳۰ یاشلی بصیره، یشاوچیلرنینگ عنعنوی عقیدهلری طفیلی وظیفهسینی ترک ایتگن. او شوندهی دییدی: «بیر عیال کیچه شیفتیده یخشی ایشلهی آلسه، حکومت اولرنینگ تینچلیگی و اوخلشی اوچون مناسب جای یرهتیشی کیرهک.»
عیال شفاکارلرنینگ حکومتدن طلبی
عیال شفاکارلر ایش احواللری یخشیلنیشی اوچون حکومت و مسئول ارگانلردن جدی و عملی حرکت قیلیشلرینی سورهیدیلر.
کابل دولت کسلخانهلریدن بیریده خادم ۳۶ یاشلی ناهید، کیچه شیفتلریده عیاللرنینگ ایش اهمیتی بارهسیده اهالی خبردارلیگی، اولرنینگ امنیتی تأمینلنیشی همده دستلبکی امکانیتلردن فایدهلنیش ضرورلیگینی تأکیدلهیدی. او شوندهی دییدی: «نوکریواللیک قیلهدیگن عیاللر اوی همده جمعیتده تورلی قیینچیلیکلر بیلن روپهره دیر. حکومت و نهادلردن عیاللرنینگ ایشی حقیده خبردارلیک قیلسین و شونینگدیک عیال شفاکارلر گه ترانسپورت و دستلبکی امکانیتلرنی یرهتیب بیرسینلر.»
کسللر: عیال شفاکارلر کملیگی سیزیلهدی
یریم کیچهده کسلخانهلر گه مراجعت قیلهدیگن ایریم کسللرنینگ ایتیشیچه، کیچه شیفتلریده عیال شفاکارلرنینگ آزلیگی سببلی کسللر وقتیده دوالنمهیدی. شو بیلن بیرگه، مراجعت قیلهدیگنلر کیچه شیفتلریده عیال شفاکارلرنینگ ایشلشیدن منتدارلیک بیلدیرهدیلر.
کیچه، رابعه بلخی کسلخانهسیگه مراجعت قیلگنلردن مریم شوندهی دییدی: «کسل ایدیم و کیچه کسلخانه گه باردیم. عیال شفاکار و نرسلر آز ایدی و همه گه ییته آلمسدیلر؛ بیراق بیز گه کوپ یاردم بیریب و خذمت قیلدیلر.»
متخصصلر فکری و کسلخانهلر همده ساغلیقنی سقلش وزیرلیگی مسئوللرینینگ جوابی
جمعیتشناسلر، عنعنهوی اعتقادلر و کیچه تاماندن عیاللر ایشلشی بارهسیده آدملرنینگ خبردارسیزلیگینی، کیچه شیفتلرده عیاللرنینگ اساسی قیینچیلیکلریدن دیب بیلهدیلر.
جمعیتشناس شعیب احمدی شوندهی دییدی: «ناتوغری توشونچهلر سببلی عیاللرنینگ کیچه شیفتده ایشلشینی قیینلشتیرگن. ایش فرصتلری یوقلیگی، امکانیت و اجتماعی تربیه، اولرنینگ قیینچیلیکلرینی آرتیرگن.»
روانشناسلرنینگ فکریچه، عیال شفاکارلر جمعیتنینگ ناتوغری توشونچهلرینی یخشی ریجه بیلن کمهیتیریشلری ممکن. روانشناس زحل امیرزاده شوندهی دییدی: «کیچه تاماندن ایشلش روحی سلامتلیککه تأثیری بار و بو عیاللر گه کوپراق کوزهتیلهدی. اولرنینگ هورمونی و خطی-حرکتلریگه تأثیر قویهدی؛ بیراق ترتیب ریجه بیلن کوندهلیک اویقولرینی تنظیم و کم اویقولیکلرینی جبران قیلیش ممکن.»
شو بیلن بیرگه، ایریم کسلخانهلر مسئوللری، بوتون شیفت ایشلهیدیگنلر اوچون، ییترلیچه امکانیت نظرگه آلینگن؛ شفاکارلر ایشلرینی اساسی شکلده بجریش اوچون آزیق-آوقت، دمآلیش اوچون مناسب جای، تینچ محیط یرهتیلگنینی معلوم قیلهدیلر.
کابل شهریده انتانی تخصصی کسلخانه سوزلاوچیسی فریدالله عمری شوندهی دییدی: «انتانی کسلخانهسیده، عیاللر و ایرککلر شامل ۶۰ نفر نوکریال وظیفه اجرا قیلهدی. اولر اوچون آزیق-آوقت، کسلخانه مخصوص کییم-کیچک و دمآلیش جای یرهتیلگن و شفاکارلر ۲-۳ کون آرهسیده نوکریواللیک قیلیشهدی.»
ساغلیقنی سقلش وزیرلیگی مسئوللری هم، کسلخانهلر و ساغلیقنی سقلش مرکزلری دایمی نظارت ایتیلیشی و مناسب جای شرایطی یرهتیلگنینی ایتهدی.
ساغلیقنی سقلش وزیرلیگی سوزلاوچیسی شرافتزمان امرخیل سلاموطندار بیلن صحبتده شوندهی دییدی: «کسلخانهلر نوکریواللیک قیلهدیگن شفاکارلر گه صفتلی خذمت کورسهتیش اوچون، خصوصی و دولت سکتورلرده مرکز و ولایتلرده نظارت قیلینهدی. وزارت قاعدهلرینی رعایه قیلمهگن کسلخانهلر، مهر و لاک بولگن یا کی اولردن بوتوغریده رعایه قیلیش وعدهسی آلینگن.»
کیچه تاماندن مراجعتچیلر آرتیشی و افغانستانده عیال شفاکار آزلیگی سببلی، کوپینچه شفاکار عیاللر قیین شرایط و آز امکانیت گه قرهمسدن کیچه شیفتلریده ایشلهیدی. اولر، چرچاق و ایش باسیمیگه قرهمسدن اجتماعی قیینچیلیکلر بیلن روپهره دیر؛ بیراق شو بیلن هم طبی خذمت کورسهتیشگه دوام بیرهدیلر. ایریم طب یونهلیشلریدهگی چیکلاولر، کیلهجکده عیال شفاکار و خادملرنینگ تقچیلیگی بارهسیده تشویشلرنی آرتیرگن؛ خلقارا نهادلردن بعضیلرینینگ فکریچه، بو مسئله عیال شفاکارلر اوستیگه باسیمنی آرتیریشی ممکن.
