ساغلیق‌نی سقلش وزیرلیگی مسئوللری، اوشبو وزیرلیک ده ۲۵ اپریل مالاریا (بیزگک) گه قرشی کوره‌ش خلق‌ارا کونی مناسبتی بیلن یولگه قوییلگن مراسم ده ایتیشلریچه، ۲۰۲۲_ییل گه نسبتن ۲۰۲۱_ییل ده مالاریا گه چلینگن‌لر سانی ۴۵ فایز کوپه‌یگن.
اوشبو مراسم ده ساغلیق‌نی سقلش وزیرلیگی نینگ ساغلیک خذمت کورسه‌تیش ایشلری بوییچه معینی حبیب‌الله آخوندزاده نینگ اییتشیچه، ۹۰ فایز مالاریا گه چلینگن‌لرنی شرقی ولایت‌لر یشاوچیلری تشکیل بیره‌دی.
بیزلرنینگ فیسبوک صحیفه‌میزگه باش اورینگ!
اونگه کوره: «میلادی ۲۰۲۲_ییل ده مالاریا گه چلینگن ۱۲۵ مینگ ۷۸۸ کیشی ثبت ایتیلگن اولر ارا ۹۰ فایزی ننگرهار، لغمان، کنر و نورستان ولایت‌لری ده ثبت ایتیلگن.»
افغانستان، مدیترانه شرقی حوزه‌سیده‌گی باشقه بیش مملکت یانیده مالاریا کسللیگی یوقاری درجه ده بولگن مملکت‌لردن دیر و اوشبو منطقه‌لرده مالاریا واقعه‌لری ۳۸ فایز کوپه‌یگن.
عین‌حالده، خلق‌ارا ساغلیق‌نی سقلش تشکیلاتی گه کوره، افغانستان شامل شرقی مدیترانه آلتی مملکتی ده ۲۰۱۰_ییل دن ۲۰۲۱_ییل گه قدر مالاریا گه چلینیب اولگنلر میزانی ۵۵ فایز آشگن. شونینگدیک مذکور تشکیلات، افغانستان ده مالاریا گه قرشی کوره‌ش بولیمیده یخشی یوتوق‌لر گه ایگه بولگنینی ایته‌دی.
مثل‌سیز طبیعی واقعه‌لر یوز بیریشی، بوتوغریده یشاوچیلر نینگ آگاهی‌سیزلیگی و مالاریا کسل‌لیگینی آلدینی آلیش اوچون یشاوچیلر نینگ پشه‌خانه کبی امکانیت‌لردن فایده‌لنه آلمسلیگی، اوشبو کسل‌لیک کوپه‌یش عامل‌لریدن سنله‌دی.
بیزلرنینگ توییترده هم تعقیب قیلینگ!
برچه‌سی بیلن، ساغلیق‌نی سقلش وزیرلیگی مسئوللری، ملاریا کسللیگی یوق قیلینیشیدن ایشانچ بیرسه‌لرده بیراق، بوتوغریده خلق‌ارا تشکیلات‌لردن یاردم بیریش‌لرینی طلب قیله‌دی. ساغلیق‌نی سقلش وزیرلیگی نینگ کسل‌لرنی آلدینی آلیش و کنترول قیلیش عمومی باشلیغی گه کوره: «ساغلیک بولیمیده فعالیتی بولگن برچه نهادلردن، مالاریا گه قرشی کوره‌ش ده یشاوچیلرنی آگاه‌لنتیریش اوچون بیز بیلن همکارلیک قیلیش‌لرینی ایسته‌یمیز.»
ساغلیق‌نی سقلش وزیرلیگی، مالاریا کسل‌لیگیگه بوتونلی چیک قوییش اوچون، بوتوغریده سرمایه یاتقیزیلیشی کیره‌ک دیدی.
