ساغلیق‌نی سقلش وزیرلیگی مسئوللری، بوگون (دوشنبه، ۱ جوزا) کابل ده خلق‌ارا سل (توبرکلوز) کسل‌لیگیگه قرشی کوره‌ش کونی مناسبتی بیلن اوتکزیلگن ییغیلیش ده ایتیشلریچه، میلادی ۲۰۲۲_ییل ده اولکه ده ۷۰ مینگ دن آرتیق کیشی اوشبو کسل‌لیککه چلینگن، اولر ارا ۱۲ مینگ کیشی وفات ایتگن.
ساغلیق‌نی سقلش وزیرلیگی نینگ پلان و پالیسی معینی محمدحسین غیاثی گه کوره، اوتگن میلادی ییل ده سل گه چلینگن ۵۰ مینگ دن آرتیق کسل، ساغلیق‌نی سقلش مرکزلری گه مراجعت قیلگن.
او نینگ کوپه‌یتیریشیچه: «خلق‌ارا ساغلیق‌نی سقلش تشکیلاتی نینگ معلوماتی اساسیده، هر ییلی اولکه ده ۷۰ مینگ دن آرتیق کیشی توبرکلوز گه چلینه‌دی، اولردن ۱۲ مینگ کیشی وفات ایته‌دی.»
بیزلرنینگ فیسبوک صحیفه‌میزگه باش اورینگ!
عین‌حالده، خلق‌ارا ساغلیق‌نی سقلش تشکیلاتی مسئوللری، افغانستان ده سل کسل‌لیگی گه قرشی کوره‌ش اوستیده تأکیدلب، مذکور تشکیلات افغانستان نینگ ساغلیک بولیمی بیلن همکارلیک‌لری گه دوام بیریشیدن ایشانچ بیرگنلر.
خلق‌ارا ساغلیق‌نی سقلش تشکیلاتی نماینده‌سی اخترمحمد نینگ ایتیشیچه: «خلق‌ارا ساغلیق‌نی سقلش تشکیلاتی، مملکت ده ۲۰۳۵_ییل گه قدر توبرکلوزنی یوق ایتیش مقصدیده سعی‌وحرکت قیلماقده و شونینگدیک، افغانستان نینگ ساغلیک مرکزلری بیلن اوز همکارلیک‌لری گه دوام بیره‌دی.»
عین‌حالده، سل گه چلینگن کسل‌لردن بیرقطاری اسلام امیرلیگی مسئوللری دن، مملکت نینگ اوزاق منطقه‌لریده ساغلیک مرکزلرنی ایجاد ایتیشینی سوره‌یدیلر.
سل گه چلینیب افغان_جاپان کسلخانه‌سیده بستری بولگن قندوزلیک عبدالرزاق و لوگرلیک محمدآجان، تیزلیک بیلن ساغه‌لیشگه امیدوارلر.
قندوزلیک عبدالرزاق نینگ ایتیشیچه: «توبرکلوز گه چلینگنیمدن تورت آی اوتماقده و شش‌لریمنی سوو آلگن، شفاکارلر عملیات بوله‌سنگ دیدیلر.»
سل گه چلینگن لوگر یشاوچیسی محمدآجان گه کوره: «کابل گه کیلیب درمان‌لنماقده من و حاضر بیر آز چرکی بار و تیزلیک بیلن ساغه‌یش گه امیدوار من.»
شفاکارلردن بیرقطاری نینگ ایتیشلریچه، توبرکلوز یوقوملی کسل‌لیک بولیب یوتل، ایسیتمه، کیچه تاماندن تیرلش بیلگی‌لریدن عبارت دیر.
بیزلرنینگ توییترده هم تعقیب قیلینگ!
افغان_جاپان کسلخانه‌سیده یوقوملی کسل‌لیکلر متخصص شفاکاری عبدالودود گه کوره: «توبرکلوز گه کوپراق واکسین بولمه‌گن باله‌لر، تنه‌لری نینگ معافیت سیستمی ضعیف بولگن‌لر و بنگی‌وار ماده‌لرینی استعمال قیلووچیلر، ینگی ولادت قیلگن عیاللر و توییب آوقات‌لنمسلیککه چلینگن کیشی‌لر چلینه‌دی.»
ساغلیق‌نی سقلش وزیرلیگی مسئوللری نینگ معلوماتی اساسیده، اوتگن ییل ده مملکت بویلب سل کسل‌لیگینی انیقلش و درمانلش ۸۷۷ مرکز ایجاد ایتیلگن.
ایتیش کیره‌ک که، خلق‌ارا ساغلیق‌نی سقلش تشکیلاتی نینگ معلوماتی گه بناً، میلادی ۲۰۲۲_ییل ده دنیا ده اون میلیون دن آرتیق کیشی سل کسل‌لیگیگه چلینگن.
