ساغلیق‌نی سقلش وزیرلیگی، دولتی کسلخانهلرده کسل‌لردن پول آلیش گه قرار قیلگن. اوشبو وزیرلیک سوزلاوچیسی شرافت زمان امرخیل نینگ ایتیشیچه، بو قرار مملکت ساغلیک بولیمینی خودکفا قیلیش و ستندردلشتیریش گه یاردم بیره‌دی.
جناب امرخیل گه کوره، اوشبو اقدام تیزلیک بیلن مملکت بویلب عملگه آشیریلیشی ممکن.
ساغلیق‌نی سقلش وزیرلیگی سوزلاوچیسی نینگ کوپه‌یتیریشیچه: «ساغلیک بولیمی ده خودکفا بولیش و باشقه مملکت‌لر نینگ دایمی یاردم‌لریدن قوتیلیش اوچون بو قرار گه کیلگن‌میز بو ریجه افغانستان بویلب تطبیق ایتیله‌دی.»
بیزلرنینگ فیسبوک صحیفه‌میزگه باش اورینگ!
ساغلیق‌نی سقلش وزیرلیگی نینگ اوشبو اقدامی بیلن، هرات ده ساغلیق‌نی سقلش مسئوللری مذکور ولایت نینگ حوزه‌وی کسل‌خانه‌سیده کسل‌لردن پول آلیش جریانی باشلنگنیدن خبر بیره‌دیلر.
هرات حوزه‌وی کسل‌خانه‌سی باش شفاکاری عارف جلالی نینگ ایتیشیچه، مذکور کسلخانه نینگ عمومی تیکشیرو بولیم‌لریده فیس آلیش پروسه‌سی، مملکت مالیه و ساغلیق‌نی سقلش وزیرلیک‌لری نینگ بویروغی گه بناً باشله‌نیب و تیزلیک بیلن اوشبو کسلخانه نینگ باشقه بولیم‌لریده هم تطبیق بولیشی ممکن.
اونگه کوره: «قریب ۱۴۰۲-ییل باشیده، عمومی تیکشیرو بولیمی کسل‌لریدن پول آلیش پروسه‌سینی باشله‌دیک و باشقه بستر بولگن و جراح‌لیک عملیات‌لر بولیمیدن هم فیس آلینه‌دی؛ بستر بولگن کسل‌لر قنچه مدت هم بستری بولسه‌لر ینه هم بیر مرته ۲۰۰ افغانی آلینه‌دی؛ کیچیک عملیات‌لردن ۱۰۰ افغانی و بویوک عملیات‌لردن ۵۰۰ افغانی آلینه‌دی. تخصصی عملیات‌لردن ۱ مینگ، اکسری دن ۵۰ و سیتیاسکن دن ۱۰۰ افغانی آلینه‌دی.»
شونده‌ی بیرحالده، کابل ده دولتی کسل‌خانه‌لر مسئوللریدن بیرقطاری نینگ ایتیشلریچه، حاضرگچه مراجعت قیلووچیلردن پول آلیش خصوصیده مکتوب یا ده بویروغ بیریلمه‌گن؛ بیراق اوتگن قانون-قاعدهلر اساسیده، بعضی بولیم‌لرده‌گی مراجعت قیلووچیلردن پول آله‌دیلر.
جمهوریت کسل‌خانه‌سی باش شفاکاری محمد‌‌آصف عارف‌زی نینگ سلام‌وطندار گه ایتیشیچه: «حاضرگچه کسل‌لردن پول آلیش حقیده هیچ نرسه دییلمه‌گن و اوتگن قاعدهلر گه بناً اوپیدی بولیمیدن ۲۰ افغانی و اکسری بولیمیدن ۱۰۰ افغانی آلینه‌دی، شونینگدیک سیتیاسکن بولیمیدن هم ۵۰۰ افغانی آلینه‌دی.»
وزیرمحمد اکبر‌خان کسل‌خانه‌سی باش شفاکاری نجیب‌الله نثار گه کوره: «راجیستریشن اوچون ۲۰ افغانی آله‌میز بو قانون اوتگن حکومت زمانیده باشلنگن ایدی. اوتمیش ده بو پروسه تصدیقله‌نیب و عملی بولگن ایدی لیکن قیته بیکار قیلیندی و بیزلر گه یالغیر ۲۰ افغانی آلینگ دیب بویروغ بیرگنلر، بیراق باشقه بولیم‌لردن فیس آلمه‌یمیز.»
بیزلرنینگ توییترده هم تعقیب قیلینگ!
عین‌حالده، کابل ده کسل‌لر و کسل‌دارلردن قطاری، حکومت نینگ اوشبو اقدامی دن ناراضی‌لیک بیلدیریب ایتیشلریچه، دولتی کسل‌خانه‌لر ده پول توللش گه کوچ‌لری ییتمه‌یدی.
جمهوریت کسل‌خانه‌سیده‌گی کسل‌دارلردن بیری نورالدین نینگ سلام‌وطندار گه ایتیشیچه: «۲۰ افغانی فیس آله‌دی جوده هم گوجوم‌لیک، حاضر ایسه فیس آله‌دی ایرته‌لب دن حاضرگچه نوبت ییتیشمه‌گن. دولتی کسلخانه نیمه گه، بو فیس نی نیمه دلیل آله‌دیلر. بیر کون دولتی کسلخانه ده هیچ نوبت ییتیشمه‌یدی، دارو هم قیمت و صفت‌سیز دیر.»
شونینگدیک، وزیراکبر‌خان کسل‌خانه‌سیده‌گی کسل‌دارلردن باشقه بیری زرغونه نینگ ایتیشیچه: «جراح‌لیک بوله‌دیگن کیشی‌لر نینگ فیسی ۲۰۰ افغانی دیر، اوتمیش ده فیس آلینمس ایدی، ۳۰ ییل دن بیری فرزند‌لریم نی بو کسلخانه گه آلیب کیله‌من ۲۰۰ افغانی ایسه جراح‌لیک بوله‌دیگن کیشی‌لر گه عاید دیر.»
ایتیش کیره‌ک که، مسئوللر و کسل‌لر دولتی کسلخانهلرده ساغلیق امکانیت آزلیگیدن نالیماقده ایکن، ساغلیق‌نی سقلش وزیرلیگی کسل‌لردن پول آلینیش جریانی باشلنگنیدن خبر بیرگن.
