بدخشان کووید ۱۹ کسلخانه مسئوللری نینگ سلام‌وطندار گه ایتیشلریچه، مملکت‌ده سونگی اوزگریلر و تمویل قیلووچیلر یاردم‌لری نینگ کیسیلگنیدن کیین، اوشبو کسلخانه فعالیتی توخته‌گن.
اولر نینگ ایتیشلریچه، بدخشان ولایتی کسلخانهسیده کرونا گه چلینگن کسل‌لر دوالنیشی بیلن، بو ویروس اوشبو کسلخانه نینگ باشقه بولیم‌لرده ترقه‌لیشی ممکن.
بیزلرنینگ توییترده هم تعقیب قیلینگ!
بدخشان کووید ۱۹ کسلخانه مسئولی عبدالکبیر ابهر نینگ سلام‌وطندار گه ایتیشیچه، حاضر ایسه ولایتی کسل‌خانه‌ده کرونا گه چلینگن کسل‌لردن مراقبت و درمان‌لش، موقتی بیر شکلده صورت تاپه‌دی.
اونینگ ایتیشیچه، یاردم‌لر کیسیلگنی بیلن، مذکور ولایت کووید ۱۹ کسلخانهسی گه امکانیت و ایشلاوچیلر گه معاش فراهم بولمه‌‌دی و انه‌شوو سبب، اوشبو کسلخانه یاپیلگن و کرونا گه چیلینگن کسل‌لر بدخشان ولایتی کسلخانهسیده درمان‌لنه‌دی.
بدخشان کووید ۱۹ کسلخانه مسئولی نینگ کوپه‌یتیریش‌لریچه، امنیتی وضعیت‌لر عادی حالت گه اوزگرگن و تمویل قیلووچیلر مملکت ساغلیک بولیمی اینیقسه کووید ۱۹ بولیمی‌دن حمایت قیلش‌لری نینگ زمانی ییتیب کیلگن.
بیزلرنینگ فیسبوک صحیفه‌میزگه باش اورینگ!
باشقه بیر تامان‌دن، بدخشان ده همشیره‌لردن بیری عایشه صدیقی، کرونا کسل‌لیگی نینگ درمانلیشی اوچون شکایت قیلیب و اوشبو ولایت‌ده کرونا ویروسی نینگ کوپه‌یشی خصوصیده خواطرده.
شونینگدیک بدخشان ولایتی کسلخانهسیده کرونا گه چلینگن کسل‌لر نینگ ایتیشلریچه، کسل‌خانه‌لر ساغلیک امکانیت کملیگی بیلن روپه‌ره‌لر و ساغلیک خذمت‌لر درست بیر شکلده ارایه بولمه‌یدی.
