غور ساغلیک مسئوللری نینگ ایتیش‌لریچه، ۷ آیدن بیری مذکور ولایت کووید ۱۹ کسل‌خانه‌سی بودیجه و امکانیت یوقلیگی بیلن روپه‌رو دیر و کرونا گه چلینگن کسل‌لر اویلریده درمان آستیده قرار تاپگنلر.
غور کووید ۱۹ کسلخانه باشلیغی عبدالرشید شهیر نینگ سلام‌وطندار گه ایتیشیچه، مذکور ولایت‌ده کرونا گه چلینگن کسل‌لر ساووق هوا و درمانی امکانیت یوقلیگی باعث، کسل‌خانه‌دن تشقری اویلریده درمان آستیده قرار تاپگنلر.
جناب شهیر گه کوره، کرونا گه چیلینگن کسل‌لر نینگ تداوی‌سی اویلریده درست نتیجه بیرمه‌یدی. اونینگ کوپه‌یتیریشیچه، کسل‌لر ساغلیک توصیه‌لر نی مراعات قیله‌آلمه‌یشلری باعث، اوشبو ویروس نینگ باشقه‌لرگه یوقیش خطری کوپه‌یماقده دیر.
بیزلرنینگ فیسبوک صحیفه‌میزگه باش اورینگ!
اونینگ ایتیشیچه: «یاتاق‌لریمیز بار، لیکن کسل‌لر اویلریده درمان بوله‌دیلر؛ چونکه یاتاق‌لر نینگ ایسیق قیلیش اوچون ییترلیچه یانغین ماده یوق. انه‌شوو سبب بستر‌ده بولگن کسل‌لردن ایکی یا-ده اوچ کسل اویلریده درمان بوله‌دیلر. بوتون قیین‌چیلیکلر نی ایتسه‌ک کوپ دیر که اولردن بیری اینیقسه ۶ آیدن بیری ایشلاوچیلری گه معاش توللنمه‌گن و شونینگدیک ییترلیچه دارو یوق و بیزلر ایسه بعضی سابق بودیجه‌دن قالگن دارولر نی کسل‌لر گه بیره‌میز.»
شونینگدیک غور کووید ۱۹ کسل‌خان باشلیغی نینگ ایتیشیچه، اولر نیچه مرته اوشبو کسلخانه قیین‌چیلیکلری نی محلی و مرکزی رسمی‌لر بیلن شریک قیلگنلر؛ بیراق حاضرگچه بو قیین‌چیلیک نی حل قیلیش اوچون هیچ بیر اقدام صورت تاپمه‌گن.
باشقه بیر تامان‌دن غور یشاوچیلریدن قطاری اوشبو ولایت‌ده کرونا کسل‌لری نینگ درمانی اوچون امکانیت یوقلیگی‌دن تنقید قیلیب و مسئوللردن اوشبو ولایت کووید ۱۹ کسلخانه یاتاق‌لری نینگ فعالیت‌لری نی قیته باشله‌یشلری نی سوره‌گن.
غور یشاوچیلریدن باشقه بیری ذبیح‌الله نینگ ایتیشیچه: «کسل‌لیمیز بار ایدی و کووید ۱۹ کسلخانه گه مراجعت قیلدیک؛ بیراق بیزلر نینگ کسلی‌میز نی قبول قیلمه‌دیلر. چونکه بیزلر حاضر ایسه کسل‌لر نی قبول قیلمه‌یمیز دیدیلر. غور ولایتی‌ده کرونا یا-ده کووید ۱۹بولیمیده جدی توجه قیلیب و کرونایی کسل‌لر نینگ کوپه‌یشی گه توسیق بولیشلری نی کوتیب تورگن‌میز.»
بیزلرنینگ توییترده هم تعقیب قیلینگ!
شونینگدیک غور یشاوچیلریدن باشقه بیری خیر‌الدین نینگ ایتیشیچه: «بیزلر نادارلیک و ییر یوقلیگی باعت کسلی‌میز نی اوی گه کیتیریش اوچون زورلندیک، حکومت‌دن غور کووید ۱۹ کسل‌خانه‌سی گه توجه قیلیش‌لری نی سوره‌یمیز.»
شونده‌ی بیرحالده، غور ساغلیک نی سقلش ریاست باشلیغی عبداللطیف رحیمی اوشبو ولایت کووید ۱۹ کسلخانه قیین‌چیلیکلری نی قبول قیلیب؛ بیراق ایتیش‌لریچه، مذکور کسلخانه قیین‌چیلیکلری نی حل قیلیش اوچون سعی و حرکت نینگ دوامی بار.
غور ساغلیک مسئوللری اوشبو ولایت‌ده کرونا گه چیلینگن کسل‌لر نینگ کوپه‌یشیدن خواطر بیلدیریب و ایتیش‌لریچه، اوتگن ۶ آی جریانیده ۲ مینگ‌دن آرتیق کیشی مذکور ولایت نینگ کووید ۱۹ کسل‌خانه‌سی گه مراجعت قیلگن که بو آره‌ده ۴۷۸ کیشی‌دن آلینگن آزمایش‌لر ایجابی ایکن و ۵۰ کیشی ایسه جان بیرگن.
